News April 3, 2024
నేటి నుంచి ఎక్సైజ్ కానిస్టేబుళ్లకు శిక్షణ
TG: ఎక్సైజ్ శాఖ కానిస్టేబుళ్లకు నేటి నుంచి శిక్షణ ప్రారంభం కానుంది. హైదరాబాద్ అప్పాజంక్షన్ వద్ద ఉన్న ట్రైనింగ్ అకాడమీలో మొదటి బ్యాచ్‌లో భాగంగా 125 మంది ట్రైనీలకు శిక్షణ ఇవ్వనున్నారు. 475 మంది కానిస్టేబుళ్లు ట్రైనింగ్‌కు వచ్చేందుకు సిద్ధంగా ఉన్నట్లు అధికారులకు సమాచారం అందింది. కాగా రెండు నెలలుగా పెండింగ్‌లో ఉన్న ఈ ఎక్సైజ్ కానిస్టేబుళ్ల శిక్షణకు ఇటీవల సీఎం రేవంత్ గ్రీన్ సిగ్నల్ ఇచ్చారు.
Similar News
News January 6, 2025
దీర్ఘాయువు కోసం వీటిని పాటించండి!
సుదీర్ఘమైన ఆరోగ్యకర జీవితానికి మూడు సూత్రాలు ముఖ్యమని వైద్యులు చెబుతున్నారు. ‘రెడ్ మీట్‌ స్థానంలో చేప మాంసాన్ని తినండి. అప్పుడప్పుడు ఉపవాసం ఉండాలి. మీ వైద్యుడితో చర్చించి మీకు ఉత్తమమైన ఆహారం ఏంటో తెలుసుకోండి. క్రమం తప్పకుండా రోజూ ఏరోబిక్ వ్యాయామాలు, స్ట్రెచింగ్ వ్యాయామాలు చేయండి. అనేక వ్యాధులకు ఒంటరితనం ప్రధాన కారకం. దీర్ఘాయువు కోసం స్నేహితులు, కుటుంబంతో రోజూ కొంత సమయం గడపండి’ అని తెలిపారు.
News January 6, 2025
అందరూ పరిశుభ్రత పాటించాలి: ICMR
hMPV వైరస్‌పై ఎవరూ ఆందోళన చెందవద్దని ICMR తెలిపింది. సాధారణ వైరస్‌ల మాదిరిగానే దీని ప్రభావం ఉంటుందని పేర్కొంది. జలుబు, ఫ్లూ లాంటి లక్షణాలు కనిపిస్తాయని తెలిపింది. చిన్నారులు, వృద్ధుల్లో ఈ వైరస్ ఎక్కువగా కనిపిస్తుందని పేర్కొంది. సీజనల్ శ్వాసకోశ సమస్యలు ఎదుర్కొనేందుకు దేశంలోని అన్ని ఆస్పత్రులు సంసిద్ధంగా ఉన్నాయని తెలిపింది. అందరూ వ్యక్తిగత పరిశుభ్రత పాటించాలని విజ్ఞప్తి చేసింది.
News January 6, 2025
ప్రతి ఆస్పత్రిలో 20 ఐసోలేషన్ బెడ్స్: మంత్రి సత్యకుమార్
AP: దేశంలో hMPV కేసులు నమోదవుతుండటంతో రాష్ట్ర వైద్యారోగ్య శాఖ అప్రమత్తమైంది. ప్రతి ఆస్పత్రిలో 20 ఐసోలేషన్ బెడ్స్ సిద్ధం చేయాలని అధికారులను ఆదేశించినట్లు మంత్రి సత్యకుమార్ వెల్లడించారు. ICMR అడ్వైజరీ మాత్రమే ఇచ్చిందని, ఎవరూ ఆందోళన చెందొద్దని సూచించారు. ఎలాంటి పరిస్థితులనైనా ఎదుర్కొనేందుకు సిద్ధంగా ఉన్నామన్నారు.