News September 5, 2025

నల్గొండ: లైంగిక దాడి కేసులో 22 ఏళ్ల జైలు శిక్ష

మైనర్ బాలికపై అత్యాచారం కేసులో నల్గొండ పోక్సో కోర్టు సంచలన తీర్పు వెలువరించింది. నిందితుడు తిప్పర్తి యాదయ్యకి 22 ఏళ్ల కఠిన కారాగార శిక్షతో పాటు రూ.35 వేల జరిమానా విధించింది. బాధితురాలికి రూ.10.50 లక్షల నష్టపరిహారం చెల్లించాలని కోర్టు ఆదేశించింది. 2016లో చండూరు పోలీస్ స్టేషన్ పరిధిలో ఈ ఘటన జరిగింది. ఈ కేసు విచారణ చేపట్టిన సిబ్బందిని ఎస్పీ శరత్ చంద్ర పవార్ అభినందించారు.