News September 6, 2025
పాలమూరు: నేడు ZPTC, MPTC ముసాయిదా ఓటరు జాబితా
స్థానిక సంస్థల ఎన్నికల ప్రక్రియలో భాగంగా నేడు ZPTC, MPTC ఓటర్ల ముసాయిదా జాబితాను ప్రదర్శించనున్నారు. ఉమ్మడి పాలమూరు జిల్లా వ్యాప్తంగా జడ్పీటీసీలు 77 కాగా, ఎంపీటీసీలు 800 ఉన్నాయి. వీటిపై ఈనెల 8న సమావేశాలు నిర్వహిస్తారు. 9న అభ్యంతరాలను స్వీకరణ, పరిష్కారం అనంతరం 10వ తేదీన తుది ఓటరు జాబితాను ప్రదర్శించనున్నారు.
Similar News
News September 6, 2025
నెల్లూరు: స్మార్ట్ రేషన్ కార్డులో తప్పులు!
చేజర్ల(M) ఆదురుపల్లిలో స్మార్ట్ రేషన్ కార్డుల్లో పొరపాట్లు బయటపడ్డాయి. రాష్ట్ర ప్రభుత్వం ప్రతిష్ఠాత్మకంగా ప్రారంభించిన స్మార్ట్ కార్డులలో వయస్సు, ఇంటిపేర్లలో లోపాలు నమోదయ్యాయి. పఠాన్ ఆఫిఫా తవస్సు వయసు 14 ఉండగా 18 ఏళ్లుగా నమోదు కాగా, కొందరి ఇంటిపేర్లు షేక్ స్థానంలో షైక్‌గా నమోదయ్యాయి. పొరపాట్లను వెంటనే సరిచేయాలని బాధితులు కోరుతున్నారు. మీ స్మార్ట్ కార్డులలో కూడా ఇలానే ఉంటే కామెంట్ చేయండి.
News September 6, 2025
అల్లూరి: 3.63 కిలోల లిక్విడ్ గంజాయి స్వాధీనం
పాడేరు మండలం కరకపుట్టు జంక్షన్ వద్ద 3.63 కిలోల హాషిస్ ఆయిల్ స్వాధీనం చేసుకొని ఒకరిని అరెస్ట్ చేసినట్లు ఎన్ఫోర్స్మెంట్ ఏఈఎస్ కె.సురేష్ తెలిపారు. ముందస్తు సమాచారం మేరకు కరకపుట్టు జంక్షన్ వద్ద మాటు వేయగా 4 ప్యాకెట్లులో హాస్ ఆయిల్(గంజాయి లిక్విడ్) పట్టుబడిందన్నారు. ఈ ఘటనలో అలగం గ్రామానికి చెందిన వండలం చిన్నబాలన్నను అరెస్ట్ చేశామని, మరో నిందితుడు వండలం కృష్ణారావు పరారీలో ఉన్నట్లు పేర్కొన్నారు.
News September 6, 2025
మైండ్ మ్యాపింగ్.. ప్రిపరేషన్‌లో గొప్ప సాధనం
పుస్తకంలోని కాన్సెప్టులు, మీ ఆలోచనలను అనుసంధానం చేసేలా విజువల్ రేఖాచిత్రాలను రూపొందించుకోవడాన్నే మైండ్ మ్యాపింగ్ అంటారు. ప్రిపరేషన్‌లో స్టడీ స్కిల్స్‌ను పెంపొందించడంలో ఇదొక గొప్ప సాధనం. పెద్ద సబ్జెక్టును చిన్న విభాగాలుగా విభజించుకుని గ్రాఫిక్ రూపంలో చదివితే అయోమయం తగ్గుతుంది. ఫోకస్, మెమరీ, సృజనాత్మకత పెరుగుతుంది. రివిజన్‌కు అనుకూలంగా ఉంటుంది. సమయం ఆదా అవుతుంది.