News September 8, 2025
రజినీకాంత్తో పోటీ లేదు: కమల్ హాసన్
రజినీకాంత్కు, తనకు మధ్య ఎలాంటి పోటీ లేదని కమల్ హాసన్ తెలిపారు. ఆడియన్సే తమ మధ్య కాంపిటీషన్ ఉన్నట్లు భావిస్తారని అన్నారు. ‘మేమిద్దరం ఒకరి సినిమాలను మరొకరు నిర్మించాలని అనుకునేవాళ్లం. ఎప్పటినుంచో కలిసి నటించాలనుకుంటున్నాం. త్వరలో ఓ సినిమా చేయబోతున్నాం’ అని వెల్లడించారు. కాగా రజినీ, కమల్ హీరోలుగా లోకేశ్ కనగరాజ్ ఓ మల్టీస్టారర్ మూవీ చేయబోతున్నట్లు గత కొంతకాలంగా ప్రచారం జరుగుతోన్న సంగతి తెలిసిందే.
Similar News
News February 16, 2026
Xలో సాంకేతిక లోపం
ప్రముఖ సోషల్ మీడియా ప్లాట్ఫామ్ Xలో సాంకేతిక సమస్యలు తలెత్తాయి. తాము యాప్ను యాక్సెస్ చేయలేకపోయామంటూ నెటిజన్లు పేర్కొంటున్నారు. పోస్టులు, కామెంట్లు కనపడటం లేదని, వీడియోలు స్ట్రీమ్ అవ్వట్లేదని తెలిపారు. సా.6-7.30 మధ్య అంతరాయాలు ఏర్పడినట్లు అమెరికాలో దాదాపు 42వేల మంది, ఇండియాలో 2వేల మంది ఫిర్యాదులు చేశారు. మీకు X ఓపెన్ అవుతోందా? కామెంట్ చేయండి.
News February 16, 2026
ఘోర ఓటమి.. అర్ధరాత్రి పాక్ కీలక నిర్ణయం!
T20WC: భారత్ చేతిలో ఘోర ఓటమి పాలైన పాకిస్థాన్ జట్టులో ప్రకంపనలు మొదలయ్యాయి. టీమ్ ప్రదర్శనపై మేనేజ్మెంట్ ఆగ్రహంతో ఉన్నట్లు PCB అధికారి ఒకరు వెల్లడించారు. ఓటమి తర్వాత అర్ధరాత్రి కీలక నిర్ణయాలు తీసుకున్నట్లు తెలిపారు. సీనియర్ ఆటగాళ్లైన బాబర్, షాహీన్ అఫ్రీదిపై వేటు వేయనున్నట్లు పేర్కొన్నారు. వారి స్థానాల్లో సల్మాన్ మీర్జా, నసీమ్, ఫకర్, ఖవాజా పేర్లను నమీబియాతో మ్యాచ్కు పరిశీలిస్తున్నట్లు చెప్పారు.
News February 16, 2026
కాంగ్రెస్ ఖాతాలోకి 82 ఛైర్మన్, 5 మేయర్ పోస్టులు
TG: మున్సిపాల్టీలు, కార్పొరేషన్ల ఛైర్మన్/మేయర్, వైస్ ఛైర్మన్/ డిప్యూటీ మేయర్ ఎన్నికల ఫలితాలను SEC అధికారికంగా ప్రకటించింది. INC 82 ఛైర్మన్, 5 మేయర్ స్థానాలను కైవసం చేసుకుంది. BRS 18 మున్సిపల్ ఛైర్మన్ స్థానాలు సాధించింది. BJP, AIFBలకు చెరొకటి, ఇండిపెండెంట్లకు 3 ఛైర్మన్ స్థానాలు దక్కాయి. కార్పొరేషన్లలో కొత్తగూడెం CPI, కరీంనగర్ BJP ఖాతాలో చేరాయి. 11 చోట్ల ఛైర్మన్, వైస్ ఛైర్మన్ ఎన్నిక జరగాల్సి ఉంది.