News September 10, 2025
ఫొటోగ్రఫీ సృజనాత్మకతను పెంచుతుంది: మంచిర్యాల కలెక్టర్
ఫొటోగ్రఫీలో సృజనాత్మకత ఉంటుందని, యువతకు మంచి ఉపాధి అవకాశాలు కల్పించే రంగమని జిల్లా కలెక్టర్ కుమార దీపక్ అన్నారు. మంగళవారం మంచిర్యాల కలెక్టరేట్లోని తన ఛాంబర్లో ఫొటో ట్రేడ్ ఎక్స్పో పోస్టర్లను కలెక్టర్ ఆవిష్కరించారు. ఈనెల 19, 20, 21న HYDలోని ఓం కన్వెన్షన్లో కార్యక్రమం జరగనున్నట్లు అసోసియేషన్ నాయకులు తెలిపారు. ఫొటోగ్రఫీ సంఘం అధ్యక్ష కార్యదర్శులు అప్పాసు రాము, వేణు, తిరుపతి, శ్రీనివాస ఉన్నారు.
Similar News
News March 20, 2026
25న నంద్యాలలో జాబ్ మేళా
APSSDC ఆధ్వర్యంలో ఈ నెల 25న నంద్యాలలోని NTR షాదీఖానలో జాబ్ మేళా నిర్వహించనున్నట్లు జిల్లా నైపుణ్య అభివృద్ధి అధికారి శ్రీకాంత్ రెడ్డి తెలిపారు. 13 ప్రముఖ కంపెనీల ప్రతినిధులు హాజరై 870 ఖాళీలను భర్తీ చేయనున్నారు. పదో తరగతి నుంచి PG వరకు చదివిన అభ్యర్థులు ఈ అవకాశాన్ని సద్వినియోగం చేసుకోవాలని కోరారు. అర్హులైన నిరుద్యోగులు నేరుగా హాజరు కావాలని సూచించారు.
News March 20, 2026
అమలాపురం: డ్రైవింగ్ లైసెన్స్ స్లాట్స్ రీషెడ్యూల్
రంజాన్ సెలవు శనివారం నాటికి మార్పు కావడంతో లెర్నర్స్, డ్రైవింగ్ లైసెన్స్ స్లాట్స్ను శుక్రవారానికి రీషెడ్యూల్ చేసినట్లు జిల్లా రవాణా అధికారి దేవిశెట్టి శ్రీనివాసరావు తెలిపారు. శనివారం స్లాట్ బుక్ చేసుకున్న అభ్యర్థులు ఈ మార్పును గమనించాలని కోరారు. అభ్యర్థులు శనివారం కాకుండా శుక్రవారమే సంబంధిత కార్యాలయానికి రావాలని సూచించారు. సెలవు మార్పు నేపథ్యంలోనే ఈ నిర్ణయం తీసుకున్నట్లు ఆయన స్పష్టం చేశారు.
News March 20, 2026
ఆసిఫాబాద్ మెడికల్ కాలేజీలో కొలువులకు ఇంటర్వ్యూలు
ఆసిఫాబాద్ ప్రభుత్వ వైద్య కళాశాలలో ఖాళీగా ఉన్న 106 బోధన సిబ్బంది పోస్టుల భర్తీకి నోటిఫికేషన్ విడుదలైంది. వీటిలో ప్రొఫెసర్ (15), అసోసియేట్ (27), అసిస్టెంట్ ప్రొఫెసర్ (41) కాంట్రాక్ట్ పోస్టులతో పాటు 23 సీనియర్ రెసిడెంట్ పోస్టులు ఉన్నాయి. అర్హులైన అభ్యర్థులు మార్చి 24న ఉదయం 10 గంటలకు అసలు పత్రాలతో వాక్-ఇన్ ఇంటర్వ్యూలకు హాజరుకావాలని కళాశాల యాజమాన్యం సూచించింది.