News September 10, 2025
గురుకులాల్లో మౌలిక సదుపాయాలు కల్పిస్తాం: కలెక్టర్
బుద్ధారం గురుకుల బాలికల కళాశాలను వనపర్తి జిల్లా కలెక్టర్ ఆదర్శ్ సురభి బుధవారం సందర్శించారు. ఈ సందర్భంగా ఆయన మాట్లాడుతూ.. గురుకుల పాఠశాలల్లో అవసరమైన అన్ని మౌలిక సదుపాయాలు కల్పిస్తామని హామీ ఇచ్చారు. విద్యార్థులు మాత్రం బాగా చదువుకొని తల్లిదండ్రులకు, పాఠశాలకు మంచి పేరు తేవాలని సూచించారు. విద్యార్థులకు సులువుగా అర్థమయ్యే విధంగా పాఠ్యాంశాన్ని బోధించి వారిని ప్రోత్సహించాలని టీచర్లకు సూచించారు.
Similar News
News March 11, 2026
ఫిర్యాదుల పరిష్కారంలో అంబేడ్కర్ కోనసీమ టాప్
ఫిర్యాదుల పరిష్కారంలో అంబేడ్కర్ కోనసీమ జిల్లా 3.85 సంతృప్తి స్కోరుతో రాష్ట్రంలో మొదటి స్థానంలో నిలిచిందని కలెక్టర్ మహేశ్ కుమార్ బుధవారం తెలిపారు. CMO నివేదిక ప్రకారం PGRSలో ఇప్పటివరకు 12,066 ఫిర్యాదులు స్వీకరించగా, 89.11% పురోగతి సాధించినట్లు వెల్లడించారు. వీటిలో 6,427 ఫిర్యాదులకు ముందస్తు ఆడిట్ పూర్తి చేశామన్నారు. ముఖ్యంగా రెవెన్యూ శాఖ ఫిర్యాదుల పరిష్కారంలో అత్యధిక శాతం నమోదు చేసిందని వివరించారు.
News March 11, 2026
కడప: వీరికి డాక్టరేట్లు ఇవ్వనున్న వైవీయూ
YVU స్నాతకోత్సవంలో ఇద్దరు ప్రముఖులకు గౌరవ డాక్టరేట్లు ప్రదానం చేయనున్నట్లు యోగి వేమన విశ్వవిద్యాలయం ఉపకులపతి ఆచార్య బెల్లంకొండ రాజశేఖర్ తెలిపారు. తేలికపాటి యుద్ధ విమానాల రూపకర్త డా.కోటా హరినారాయణ, ఇండియన్ నేషనల్ సైన్స్ అకాడమి ప్రెసిడెంట్ డా. శేఖర్. సి. మండేలకు గౌరవ డాక్టరేట్లను గవర్నర్ అబ్దుల్ నజీర్ అందజేస్తారన్నారు. వీరి జీవితం నేటితరానికి స్ఫూర్తిగా నిలుస్తాయన్నారు.
News March 11, 2026
మహిళలు అన్ని రంగాల్లో రాణించాలి: జడ్జి భవాని చంద్ర
మహిళలు ఆత్మవిశ్వాసంతో అన్ని రంగాల్లో ముందుండాలని జిల్లా ప్రధాన న్యాయమూర్తి భవాని చంద్ర పిలుపునిచ్చారు. బుధవారం జిల్లా కోర్టులో నిర్వహించిన అంతర్జాతీయ మహిళా దినోత్సవ వేడుకల్లో ఆమె మాట్లాడారు. మహిళల రక్షణ కోసం ప్రభుత్వం ప్రవేశపెట్టిన చట్టాలపై ప్రతి ఒక్కరూ అవగాహన పెంచుకోవాలని సూచించారు. కార్యక్రమంలో న్యాయమూర్తులు జయంతి, శ్రీలేఖ, సౌజన్య తదితరులు పాల్గొన్నారు.