News September 11, 2025
GNT: కానిస్టేబుల్ కొడుకు నుంచి డీజీపీ స్థాయికి ఎదిగారు
మాజీ డీజీపీ బయ్యారపు ప్రసాదరావు గుంటూరు జిల్లా తెనాలి మండలం తేలప్రోలులో 1955 సెప్టెంబర్ 11న జన్మించారు. తండ్రి శ్రీనివాసరావు కానిస్టేబుల్, 1979లో మొదటి ప్రయత్నంలోనే ఐపీఎస్కు ఎంపికయ్యారు. ఐపీఎస్గా నియమితులైన తరువాత కూడా ఉన్నత చదువులు చదివారు. సెప్టెంబర్ 30, 2013న ఏపీ డీజీపీగా బాధ్యతలు చేపట్టారు. ఫిజిక్స్పై మక్కువతో తరంగ సిద్ధాంతం, బిగ్బ్యాంగ్ థియరీలపై రీసెర్చ్ చేస్తూనే ఉండేవారు.
Similar News
News March 16, 2026
NRPT: మూడు నెలల్లో కలెక్టరేట్ పనులు పూర్తి చేయాలి: ప్రతీక్ జైన్
నారాయణపేట జిల్లా కేంద్రానికి సమీపంలోని సింగారం కూడలి వద్ద రూ.55 కోట్ల నిధులతో కొనసాగుతున్న నూతన కలెక్టరేట్ భవన సముదాయ నిర్మాణ పనులను సోమవారం కలెక్టర్ ప్రతీక్ జైన్ పరిశీలించారు. ఇవాళ బాధ్యతలు చేపట్టిన ఆయన నేరుగా నూతన కలెక్టరేట్ నిర్మాణ పనుల పరిశీలనకు వచ్చారు. నిర్మాణ పనుల వివరాలను ఆర్ అండ్ బి అధికారులను అడిగి తెలుసుకున్నారు. మూడు నెలల్లో నిర్మాణ పనులు పూర్తి చేయాలని అధికారులను ఆదేశించారు.
News March 16, 2026
ఆసిఫాబాద్: గ్రీవెన్స్ డేలో 12 ఫిర్యాదుల స్వీకరణ
ASF జిల్లా పోలీస్ కార్యాలయంలో సోమవారం నిర్వహించిన గ్రీవెన్స్ డే కార్యక్రమంలో జిల్లా ఎస్పీ నితికా పంత్ ప్రజల నుంచి మొత్తం 12 ఫిర్యాదులను స్వీకరించారు. ప్రధానంగా భూ వివాదాలు, కుటుంబ కలహాలు, సివిల్ తగాదాలపై వినతులు అందాయి. బాధితుల సమస్యలను క్షేత్రస్థాయిలో పరిశీలించి, త్వరితగతిన పరిష్కరించాలని సంబంధిత అధికారులను ఎస్పీ ఆదేశించారు. ప్రజలకు న్యాయం చేయడమే పోలీస్ శాఖ ప్రధాన లక్ష్యమని ఆమె పేర్కొన్నారు.
News March 16, 2026
పారదర్శకంగా పదో తరగతి పరీక్షలు: డీఈవో
మచిలీపట్నంలోని పదో తరగతి పరీక్షా కేంద్రాలను డీఈవో యు.వి. సుబ్బారావు సోమవారం ఆకస్మికంగా తనిఖీ చేశారు. చిలకలపూడి సీపీఎం హైస్కూల్, నిర్మల, హైని, శ్రీ బాలాజీ, ఎంఈకే బాలాభాను తదితర పాఠశాలల్లో పరీక్షల సరళిని పరిశీలించారు. విద్యార్థులకు కల్పించిన వసతులను సమీక్షించిన ఆయన, ఎక్కడా అక్రమాలకు తావులేకుండా పరీక్షలను సజావుగా, పారదర్శకంగా నిర్వహించాలని అధికారులను ఆదేశించారు.