News September 11, 2025
బతుకమ్మ సంబరాలు.. జిల్లాకు రూ.30లక్షలు
TG: ఎప్పటిలాగే ఈసారి కూడా బతుకమ్మ వేడుకలను వైభవంగా నిర్వహించాలని ప్రభుత్వం నిర్ణయించింది. ఈమేరకు జిల్లాకు రూ.30 లక్షలు చొప్పున మొత్తం రూ.1.20 కోట్ల నిధులు కేటాయించింది. ఈనెల 21న వరంగల్ వేయిస్తంభాల గుడిలో జరగనున్న సంబరాలతో వేడుకలు మొదలవుతాయి. గిన్నిస్ రికార్డే లక్ష్యంగా 28న ఎల్బీ స్టేడియంలో 10వేల మంది ఆడపడుచులు బతుకమ్మ ఆడనున్నారు. 30న ట్యాంక్బండ్ వద్ద జరిగే వేడుకలతో సంబరాలు ముగియనున్నాయి.
Similar News
News March 28, 2026
గంభీర్ ఫొటోలు వాడొద్దు: హైకోర్టు
టీమ్ఇండియా కోచ్ గంభీర్ వ్యక్తిత్వ హక్కులను పరిరక్షిస్తూ ఢిల్లీ హైకోర్టు మధ్యంతర ఉత్తర్వులు జారీ చేసింది. ఆయన ఫొటో, వాయిస్తో రూపొందించిన ఏఐ వీడియోలు, డీప్ ఫేక్ కంటెంట్ను 36 గంటల్లోగా తొలగించాలని ఇన్స్టా, గూగుల్ సహా ఇతర SM ప్లాట్ఫామ్స్ను ఆదేశించింది. ఈ కంటెంట్ను క్రియేట్ చేసిన వారి వివరాలు ఇవ్వాలని పేర్కొంది. అనుమతి లేకుండా వీడియోలు చేయడం వ్యక్తిత్వ హక్కులను ఉల్లంఘించడమేనని స్పష్టం చేసింది.
News March 28, 2026
TN ఎన్నికల బరిలో నటుడు సుందర్
తమిళనాడు అసెంబ్లీ ఎన్నికల్లో డైరెక్టర్, నటుడు సుందర్ తొలిసారి పోటీ చేయనున్నారు. అన్నాడీఎంకే కూటమిలోని పుతియ నీతి కట్చి(న్యూ జస్టిస్ పార్టీ) అభ్యర్థిగా మధురై సెంట్రల్ నుంచి బరిలో దిగనున్నారు. తన భర్తకు సపోర్ట్ చేయాలని బీజేపీ నేత, నటి ఖుష్బూ అభిమానులు, స్నేహితులను కోరారు. 30 ఏళ్లుగా ఆదరిస్తున్న ప్రజలకు సేవ చేయడమే సుందర్ లక్ష్యమని తెలిపారు.
<<-se>>#ELECTIONS2026<<>>
News March 28, 2026
IPL ప్రసారాలపై బంగ్లాదేశ్లో నిషేధం ఎత్తివేత
బంగ్లాదేశ్లో IPL ప్రసారంపై బ్యాన్ను ఎత్తివేస్తున్నట్లు ఆ దేశ మంత్రి జహీర్ ఉద్దీన్ స్వపాన్ ప్రకటించారు. ముస్తాఫిజుర్ను తొలగించారన్న కారణంతో యూనస్ ప్రభుత్వం IPLను బ్యాన్ చేసిన సంగతి తెలిసిందే. ఇప్పుడు ప్రభుత్వం మారడంతో ఆ నిర్ణయాన్ని మార్చుకున్నారు. స్టార్ స్పోర్ట్స్ లేదా వేరే ఏ ఛానల్ ప్రసారం చేసినా అనుమతిస్తామని జహీర్ తెలిపారు. బ్రాడ్కాస్టింగ్కు సంబంధించి తమకు ఎలాంటి దరఖాస్తులు రాలేదన్నారు.