News September 12, 2025

ఓబులవారిపల్లి: జ్వరంతో చిన్నారి మృతి

ఓబులవారిపల్లి (M) వై. కోటలో విషాదకర ఘటన చోటుచేసుకుంది. ఓ ప్రైవేటు పాఠశాలలో 3వ తరగతి చదువుతున్న 8 ఏళ్ల చందన జ్వరంతో బాధపడుతూ వాంతులు చేసుకుంది. కోడూరుకు తరలిస్తుండగా చిన్నారికి ఫిట్స్ వచ్చాయి. కోడూరులోని ప్రైవేటు ఆసుపత్రిలో చికిత్స అందించిన వైద్యులు, పరిస్థితి విషమించడంతో తిరుపతికి తరలించాలని సూచించారు. తిరుపతికి తీసుకెళ్తుండగా చిన్నారి మార్గమధ్యంలో మృతి చెందినట్లు కుటుంబీకులు తెలిపారు.