News September 13, 2025
అంబేడ్కర్ కోనసీమ: నేడు పాఠశాలలకు సెలవు
నేడు పాఠశాలలకు సెలవు ప్రకటిస్తున్నట్లు జిల్లా విద్యాశాఖ అధికారి సలీంబాషా తెలిపారు. గతంలో వరదల కారణంగా సెలవులు ఇచ్చినందున, వాటి స్థానంలో రెండో శనివారం పనిచేయాలని ఆదేశాలు జారీ చేశామని, అయితే ప్రస్తుత వాతావరణ పరిస్థితుల దృష్ట్యా ఆ నిర్ణయాన్ని ఉపసంహరించుకున్నట్లు ఆయన పేర్కొన్నారు. ఈ శనివారం అన్ని విద్యా సంస్థలకు సెలవు ఉంటుందని స్పష్టం చేశారు.
Similar News
News March 14, 2026
వాషింగ్ మెషీన్ వాడుతున్నారా? ఈ చిట్కాలు పాటించండి
ప్రస్తుతకాలంలో వాషింగ్ మెషీన్ ప్రతి ఇంట్లోనూ ఉంటుంది. అయితే దీన్ని ఉపయోగించడంలో కొన్ని టిప్స్ పాటిస్తేనే దుస్తులు, మెషీన్ మన్నిక బావుంటుంది. ☛ గట్టి, సున్నితమైన వస్తువుల్ని విడిగా జిప్లాక్ బ్యాగ్లో వేసి ఉతకాలి. ☛ క్విక్ వాష్ ఆప్షన్ ఎంచుకుంటే వాటి నాణ్యత దెబ్బతినకుండా ఉంటుంది. ☛ గాఢత తక్కువగా ఉండే డిటర్జెంట్ వాడటం మంచిది. ☛ అయితే వేటిని ఉతకాలన్నా వాషింగ్ ఇన్స్ట్రక్షన్స్ బట్టి ఉతకాలి.
News March 14, 2026
పెరిగిన ఎండలు.. కొబ్బరి తోటల్లో తీసుకోవాల్సిన జాగ్రత్తలు
ఎండల తీవ్రత దృష్ట్యా కొబ్బరి తోటల విషయంలో ప్రత్యేక జాగ్రత్తలు తీసుకోవాలి. చెట్లకు నీటి ఎద్దడి లేకుండా చూసుకోవాలి. ప్రతి 10 రోజులకు ఒకసారి తప్పక నీరు పెట్టాలి. కొబ్బరి తోటల్లో జనుము, జీలుగ, పిల్లి పెసర వంటి పచ్చి రొట్ట పైర్లను చల్లుకోవాలి. ఈ సమయంలో కొబ్బరి తోటలను ఆశించే నల్లి, ఆకు తేలు, గానోడెర్మా తెగులు, నల్లమచ్చ తెగులు ఉనికిని గమనిస్తూ ఉండాలి. వీటిని గుర్తిస్తే నిపుణుల సూచనలతో కట్టడి చేయాలి.
News March 14, 2026
తిరుమలలో శ్రీవారికి నిర్వహించే పూజలివే..
ఏడు కొండలపై కొలువైన శ్రీవారికి ప్రతిరోజు ఎన్నో పూజలు చేస్తారు. సుప్రభాతంతో మేల్కొలుపు, తోమాలతో పూల అలంకరణ, అర్చనతో నామస్మరణ నిర్వహిస్తారు. మలయప్పస్వామికి కళ్యాణోత్సవం, ఊంజల్ సేవ, ఆర్జిత బ్రహ్మోత్సవం, వసంతోత్సవం, సహస్ర దీపాలంకరణ వంటి వైభవ సేవలు జరుగుతాయి. వారంలో ఒకరోజు అభిషేకం, తిరుప్పావడ, నిజపాద దర్శనం వంటి విశేష సేవలు ఉంటాయి. చివరగా రాత్రి ఏకాంత సేవతో పవళింపు జరిపి ఆలయ ద్వారాలు మూసివేస్తారు.