News September 14, 2025
వీఆర్‌ఏ వారసులకు ఉద్యోగాలు ఇవ్వండి.. జగ్గారెడ్డికి వినతిపత్రం
జీవో నంబర్ 81 ప్రకారం మిగిలిపోయిన వీఆర్‌ఏ వారసులకు నియామక ఉత్తర్వులు ఇవ్వాలని కోరుతూ వీఆర్‌ఏలు ఆదివారం టీపీసీసీ వర్కింగ్ ప్రెసిడెంట్ జగ్గారెడ్డికి వినతిపత్రం అందజేశారు. ఇంకా 61 మందికి ఉద్యోగాలు రాలేదని ఆయన దృష్టికి తీసుకువెళ్లారు. ప్రభుత్వం దృష్టికి తీసుకెళ్లి న్యాయం చేస్తానని జగ్గారెడ్డి వారికి హామీ ఇచ్చారు.
Similar News
News September 14, 2025
అద్భుతం.. జైపూర్ ఫుట్ తరహాలో ‘వైజాగ్ హ్యాండ్’
వైజాగ్‌లోని ఏపీ మెడిటెక్ జోన్ దివ్యాంగుల కోసం కృత్రిమ చేయిని అభివృద్ధి చేసింది. ప్రమాదాల్లో చేతులు కోల్పోయిన వారికి ఉపయోగపడేలా ‘వైజాగ్ హ్యాండ్’ పేరుతో దీనిని రూపొందించింది. ఇటీవల ఓ మహిళకు అమర్చగా ఆమె స్వయంగా పనులు చేసుకున్నారని సంస్థ ప్రతినిధులు తెలిపారు. జైపూర్ ఫుట్ తరహాలో చేతులు కోల్పోయిన వారికి ఇది సహకరిస్తుందని పేర్కొన్నారు. సోలార్ పవర్‌తో నడిచే వీల్‌చైర్లను కూడా తయారు చేస్తున్నామని చెప్పారు.
News September 14, 2025
తిరుపతిలో తెలుగు తమ్ముళ్ల కుమ్ములాట..!
తిరుపతి శ్రీతాతయ్యగుంట గంగమ్మ ఆలయ కమిటీ నియామకం తీవ్ర <<17709932>>వివాదానికి<<>> దారితీసింది. ఏపీ బ్యూటిఫికేషన్ ఛైర్మన్ సుగుణమ్మకు తెలియకుండానే పాలకమండలి నియామకం, నేడు ప్రమాణస్వీకారం జరిగిందని పలువురు టీడీపీ తమ్ముళ్లు, మహిళలు ఆగ్రహం వ్యక్తం చేస్తున్నారట. మరోవైపు పార్టీలో తమకు అన్యాయం జరిగిందని పలువురు కుల సంఘ నేతలు ఆవేదన వ్యక్తం చేస్తున్నారు. ఈ వివాదం ఎక్కడ ముగియనుందో వేచి చూడాలి.
News September 14, 2025
ఉమ్మడి గుంటూరు జిల్లాలో నేటి వర్షపాతం వివరాలు
ఉమ్మడి గుంటూరు జిల్లాలో ఆదివారం నమోదైన వర్షపాతం వివరాలను వాతావరణ శాఖ వెల్లడించింది. సాయంత్రం 5 గంటల నాటికి గుంటూరులో 81మిమీ, గుంటూరు జిల్లా వంగిపురంలో 39.5మిమీ వర్షపాతం నమోదైందని చెప్పారు. పల్నాడు జిల్లా తుర్లపాడులో 54.5 మిమీ, పెదకూరపాడులో 40.2 మిమీ, చొప్పున వర్షపాతం నమోదైందన్నారు. వర్షం కురిసే సమయంలో చెట్ల కింద ఉండకూడదని వెల్లడించారు.