News April 4, 2024
ఐపీఎల్లో బ్యాటింగ్ చాలా ఈజీ: జునైద్ ఖాన్
ఐపీఎల్పై పాకిస్థాన్ మాజీ క్రికెటర్ జునైద్ ఖాన్ నోరుపారేసుకున్నారు. ఈ టోర్నీలో బ్యాటింగ్ చేయడం చాలా సులభం అంటూ తన అసహనాన్ని వ్యక్తం చేశారు. ‘ఐపీఎల్లో అన్నీ ఫ్లాట్ పిచ్లు. వాటిపై బ్యాటింగ్ చేయడం చాలా సులభం. అంతర్జాతీయ టీ20ల్లో ఇప్పటి వరకు కేవలం 155 రన్స్ చేసిన సునీల్ నరైన్ ఒక ఐపీఎల్ మ్యాచ్లోనే 85 పరుగులు చేశారు’ అంటూ జునైద్ ట్వీట్ చేశారు. దీనిపై ఇండియన్ ఫ్యాన్స్ మండిపడుతున్నారు.
Similar News
News January 13, 2026
గర్భిణులు నువ్వులు తినకూడదా?
పండుగ పిండివంటల్లో ఎక్కువగా నువ్వులను వాడుతుంటారు. వీటిలో ఉండే ఫైబర్ కంటెంట్, విటమిన్లు అనేక అనారోగ్యాలకు చెక్ పెడతాయి. అయితే గర్భిణులు మాత్రం నువ్వులు తినకూడదని చాలామంది చెబుతుంటారు. కానీ ఇది అపోహ మాత్రమే. ఎందుకంటే గర్భిణులు నువ్వులు తినడం వల్ల గర్భాధారణ సమయంలో తల్లికి అవసరం అయ్యే పోషకాలు, క్యాల్షియం, విటమిన్స్, అమినోయాసిడ్స్, ప్రోటీన్స్, ఐరన్ పుష్కలంగా అందుతాయి. కానీ చాలా మితంగా తీసుకోవాలి.
News January 13, 2026
రిటైర్మెంట్ ప్రకటించిన ఆస్ట్రేలియా కెప్టెన్
ఆస్ట్రేలియా మహిళల జట్టు కెప్టెన్ అలిస్సా హీలీ రిటైర్మెంట్ ప్రకటించారు. మార్చిలో టీమ్ ఇండియాతో జరగబోయే హోమ్ సిరీస్ తర్వాత అన్ని ఫార్మాట్లకు వీడ్కోలు పలుకుతానన్నారు. 15ఏళ్ల కెరీర్లో వికెట్ కీపర్ బ్యాటర్గా అన్ని ఫార్మాట్లలో కలిపి 300దాకా మ్యాచులాడారు. 7వేలకు పైగా రన్స్ చేశారు. 275మందిని ఔట్ చేశారు. ’35 ఏళ్ల వయసులోనూ AUS తరఫున ఆడాలనే ఉంది. కానీ నాలో పోటీతత్వం సన్నగిల్లింది’ అని అన్నారు.
News January 13, 2026
స్కిల్ డెవలప్మెంట్ కేసు క్లోజ్
ఏపీలో సంచలనం రేపిన స్కిల్ డెవలప్మెంట్ కేసును విజయవాడ ACB కోర్టు మూసివేసింది. CID నివేదికకు ఆమోదం తెలుపుతూ CM చంద్రబాబు సహా 37 మందిపై విచారణను క్లోజ్ చేసింది. ‘మిస్టేట్ ఆఫ్ ఫ్యాక్ట్’గా నిందితులందరికీ విముక్తి కల్పిస్తూ నిన్న ఉత్తర్వులు జారీ చేసింది. అటు తీర్పు వెలువరించే ముందు తన వాదనలు వినాలన్న స్టేట్ స్కిల్ డెవలప్మెంట్ కార్పొరేషన్ అప్పటి ఛైర్మన్ కె.అజయ్ రెడ్డి పిటిషన్ను తిరస్కరించింది.