News September 18, 2025
VJA: మీడియా పాసులు జారీలో.. కిందిస్థాయి సిబ్బంది అత్యుత్సాహం!
అసెంబ్లీ సమావేశాల సందర్భంగా మీడియా పాసులను జారీ చేసే విషయంలో ఓ ముఖ్య కార్యదర్శి PA, అదనపు కార్యదర్శి ఆఫీసు సిబ్బంది అత్యుత్సాహం ప్రదర్శించారు. CMO నుంచి పాసులు జారీ చేయాలని ఆదేశాలు వచ్చినా కనీసం లెక్క చేయకపోవడం గమనార్హం. అసెంబ్లీ సందర్భంగా జరిగే చర్చలను, అందులోని అంశాలను ఎప్పటికప్పుడు చేరవేసే మీడియా పట్ల లెక్కలేని విధంగా వ్యవహరించడం సరైన విధానం కాదని రిపోర్టర్లు ఆవేదన వ్యక్తం చేస్తున్నారు.
Similar News
News September 19, 2025
సెప్టెంబర్ 19: చరిత్రలో ఈరోజు
✒ 1887: రచయిత, నాస్తికుడు తాపీ ధర్మారావు జననం
✒ 1911: కేంద్ర సాహిత్య అకాడమీ అవార్డు గ్రహీత బోయి భీమన్న జననం
✒ 1924: నిజాం వ్యతిరేక పోరాటయోధుడు కాటం లక్ష్మీనారాయణ జననం
✒ 1960: భారత్-పాక్ మధ్య సింధు జలాల ఒప్పందం(ఫొటోలో)
✒ 1977: క్రికెటర్ ఆకాశ్ చోప్రా జననం
✒ 1965: నాసా వ్యోమగామి సునీతా విలియమ్స్ జననం
News September 19, 2025
ఒక్క రోజులోనే ఎంప్లాయ్మెంట్ కార్డు: సాహితీ
యువతకు ఎంప్లాయిమెంట్ కార్యాలయం జారీ చేసే ఎంప్లాయిమెంట్ కార్డు తప్పనిసరని జిల్లా ఉపాధి అధికారిణి సాహితీ తెలిపారు. గతంలో కార్డు మూడేళ్లకోసారి రెన్యువల్ చేసుకోవాల్సి వచ్చేదని, ఇప్పుడు ఒక్కసారి కార్డు తీసుకుంటే ఇక శాశ్వతంగా ఉంటుందన్నారు. మీసేవ కేంద్రాలు, ఫోన్ నుంచి employment.telangana.gov.inలో నమోదు చేసుకోవాల్సి ఉంటుందన్నారు. దరఖాస్తు చేసుకున్న ఒక్కరోజులోనే కార్డు జారీ చేస్తామని వెల్లడించారు.
News September 19, 2025
అఫ్గానిస్థాన్‌పై శ్రీలంక విజయం
ఆసియా కప్: అఫ్గానిస్థాన్‌పై శ్రీలంక 6 వికెట్ల తేడాతో గెలిచింది. తొలుత బ్యాటింగ్ చేసిన అఫ్గాన్ జట్టు 169-8 రన్స్ చేసింది. AFG బ్యాటర్లలో నబి(60), SL బౌలర్లలో తుషారా 4 వికెట్లతో రాణించారు. లంక ఓపెనర్ కుశాల్ మెండిస్(74) చెలరేగడంతో 170 పరుగుల లక్ష్యాన్ని సునాయాసంగా ఛేదించారు. AFG బౌలర్లలో ముజీబ్, అజ్మతుల్లా, నబి, నూర్‌ తలో వికెట్ తీశారు. లంక సూపర్ 4కు క్వాలిఫై అవ్వగా.. AFG టోర్నీ నుంచి ఎలిమినేటైంది.