News September 19, 2025
గట్టు: అజ్ఞాతం వీడినా ఇంటికి చేరని మావోయిస్ట్
మావోయిస్ట్ కేంద్ర కమిటీ సభ్యురాలు కల్పన @ పద్మ ఇటీవల అజ్ఞాతం వీడినా నేటికి స్వగ్రామానికి (గట్టు మండలం పెంచికలపాడు) చేరుకోలేదు. జనజీవన స్రవంతిలో కలిసిన ఆమె స్వగ్రామానికి వస్తుందని కుటుంబ సభ్యులు, గ్రామస్థులు ఎదురుచూస్తున్నారు. ఆమె ఎక్కడ ఉన్నారు అన్న ప్రశ్నకు సమాధానం లేదు. కుటుంబ సభ్యులు ఆచూకీ గురించి అధికారులను కలిసినట్లు సమాచారం. 45 ఏళ్ల క్రితం అడవి బాట పట్టగా ఈ నెల 13న పోలీసుల ఎదుట లొంగిపోయారు.
Similar News
News September 19, 2025
భీమడోలు మండలంలో అత్యధికంగా వర్షపాతం నమోదు
ఏలూరు జిల్లాలో గడచిన 24 గంటలలో కురిసిన వర్షపాతం వివరాలు ఇలా ఉన్నాయి. భీమడోలు మండలంలో అత్యధికంగా 16.2 మి.మీ., నూజివీడులో 2.8 మి.మీ, చాట్రాయిలో 1.8 మి.మీ, అగిరిపల్లిలో 1.2 మి.మీ వర్షపాతం నమోదైంది. మిగిలిన 24 మండలాల్లో వర్షపాతం నమోదు కాలేదు. జిల్లా వ్యాప్తంగా 22.0 మి.మీ వర్షపాతం నమోదు కాగా, సగటు వర్షపాతం 0.8 మి.మీ.గా ఉందని వాతావరణ శాఖ అధికారులు శుక్రవారం తెలిపారు.
News September 19, 2025
సెట్టూరులో ప్రిన్సిపల్‌పై విద్యార్థి దాడి
అనంతపురం జిల్లా సెట్టూరులోని AP మోడల్ స్కూల్లో పదో తరగతి విద్యార్థి ప్రిన్సిపల్ శ్రీరాములుపై దాడి చేశాడు. ప్రిన్సిపల్ విద్యార్థిని మందలించడంతో కోపోద్రిక్తుడై చేయి చేసుకున్నాడు. ఉపాధ్యాయులు విద్యార్థిని పాఠశాల నుంచి బయటకు పంపించారు. ఘటనపై డిప్యూటీ DEO శ్రీనివాసులు పాఠశాలలో విచారణ చేపట్టారు.
News September 19, 2025
HYD: సోషల్ మీడియా వాడుతున్నారా? జాగ్రత్త!
సోషల్ మీడియా వాడేవాళ్లు చాలా జాగ్రత్తగా ఉండాలని HYD పోలీసులు సూచించారు. పోస్ట్ చేసే ముందు ఆలోచించండి. వ్యక్తిగత, సున్నితమైన వివరాలు పంచుకోవద్దు. మీ భద్రత, గౌరవం మీరు పంచుకునే విషయాలపై ఆధారపడి ఉంటుందన్నారు. ఒక క్లిక్‌తోనే అంతటా వ్యాప్తి చెందుతోంది. దీన్ని దృష్టిలో పెట్టుకుని బాధ్యతగా పోస్ట్ చేయండి. పంచుకునే ముందు ధ్రువీకరించండి. తప్పుడు సమాచారం అందరికీ హానికరంగా మారుతుందన్నారు.