News September 19, 2025
నల్గొండ: ‘నా కోరిక తీరిస్తే B.Ed పాస్ చేస్తా’
నల్గొండలోని డైట్ పాఠశాలలో ఓ ఉపాధ్యాయుడు B.Ed విద్యార్థినిని వేధించిన ఘటన ఆలస్యంగా వెలుగులోకి వచ్చింది. తన కోరిక తీరిస్తే B.Ed పాస్ చేయిస్తానని సదరు ఉపాధ్యాయుడు వేధింపులకు గురి చేస్తున్నట్లు సమాచారం. గతంలోనూ ఈ ఉపాధ్యాయుడు పాఠశాలలో చదువుతున్న బాలికలకు ముద్దులు పెట్టడం, వెకిలి చేష్టలకు పాల్పడటంతో అతడిని దేహశుద్ధి చేసినట్లు తెలిసింది. అతడిపై చర్యలు తీసుకోవాలని విద్యార్థులు డిమాండ్ చేస్తున్నారు.
Similar News
News September 20, 2025
టికెట్ చార్జీలు పెరిగాయనే ప్రచారంలో వాస్తవం లేదు: RTC
పండగ సందర్భంగా బస్సు టికెట్ ఛార్జీలు పెరిగాయనే ప్రచారంలో ఎటువంటి వాస్తవం లేదని టీజీఎస్ఆర్టీసీ స్పష్టం చేసింది. సాధారణ సర్వీసులకు ధరలు యథాతథంగా ఉన్నాయని తెలిపింది. పండుగలకు నడిపే ప్రత్యేక బస్సులకు మాత్రమే జీవో 16 ప్రకారం తిరుగు ప్రయాణంలో ఖాళీగా వచ్చే సర్వీసుల డీజిల్ ఖర్చులను భర్తీ చేసేందుకు టికెట్ ధరలను స్వల్పంగా సవరిస్తామని పేర్కొంది. ఈ విషయంలో ప్రచారాలను నమ్మవద్దని RTC కోరింది.
News September 20, 2025
H1Bలపై ట్రంప్ షాక్.. ఉద్యోగాలు కష్టమే!
అమెరికా అధ్యక్షుడు ట్రంప్ H1B వీసాల ఫీజును <<17767574>>లక్ష డాలర్లకు<<>> పెంచడంతో భారతీయులపై తీవ్ర ప్రభావం పడనుంది. అమెరికాలో భారతీయులకు భారీగా ఉద్యోగాలు తగ్గిపోతాయి. అక్కడ MS చదివేందుకు వెళ్లేవారి సంఖ్య కూడా గణనీయంగా తగ్గనుంది. ఇప్పటికే MS పూర్తి చేసిన వారు లక్ష డాలర్ల విలువైన ప్రొడక్టివిటీ అందించగలిగితేనే కంపెనీలు వారిని స్పాన్సర్ చేస్తాయి. దీనివల్ల ఎవరిని పడితే వారిని నియమించుకునేందుకు వీలుండదు.
News September 20, 2025
అక్టోబర్ 7న దక్షిణ భారత సైన్స్ డ్రామా పోటీ: డీఈఓ
రాష్ట్ర విద్యా పరిశోధన, శిక్షణ మండలి ఆదేశాల మేరకు అక్టోబర్ 7న జేపీఎస్‌ఎస్ పాఠశాలలో జిల్లా స్థాయి దక్షిణ భారత సైన్స్ డ్రామా పోటీలు-2025 నిర్వహిస్తున్నట్లు డీఈఓ దీపక్ తివారి తెలిపారు. మానవాళి ప్రయోజనం కోసం సైన్స్ & టెక్నాలజీ అనే ప్రధాన అంశంతో ఈ పోటీలు జరుగుతాయన్నారు. ‘విజ్ఞానంలో మహిళలు’, ‘స్మార్ట్ వ్యవసాయం’, ‘అందరికీ ఆరోగ్యం’, ‘గ్రీన్ టెక్నాలజీస్’ వంటి అంశాలు ఇందులో ఉంటాయని వివరించారు.