News September 20, 2025
పంచాయతీల్లో పట్టణ స్థాయి ప్రగతి: పవన్
AP: గ్రామ పంచాయతీల్లో గతంలో అమలులో ఉన్న లోపభూయిష్ట విధానాల ప్రక్షాళన అవసరమని డిప్యూటీ సీఎం పవన్ కళ్యాణ్ పేర్కొన్నారు. పంచాయతీల పునర్వర్గీకరణ, నూతన విధానాల అమలుపై ఉన్నతాధికారులతో సమీక్షించారు. 48 ఏళ్లనాటి సిబ్బంది నమూనాకు మార్పులు చేసేలా ప్రణాళికలు సిద్ధం చేయాలన్నారు. ఆదాయం, జనాభా, ప్రాంతం ప్రాతిపదికన పంచాయతీలకు గ్రేడ్లు నిర్ణయించనున్నారు. క్యాబినెట్ ముందుకు త్వరలో నూతన విధానాలు తీసుకెళ్లనున్నారు.
Similar News
News September 20, 2025
రూ.35వేల కోట్లంటూ హరీశ్ తప్పుడు ప్రచారం: ఉత్తమ్
TG: తుమ్మిడిహట్టి దగ్గర బ్యారేజ్ నిర్మాణానికి <<17757923>>రూ.35వేల కోట్లు<<>> అంటూ హరీశ్ రావు చేసిన ప్రకటన అబద్ధమని మంత్రి ఉత్తమ్ కుమార్ తెలిపారు. అంతేకాకుండా 4.47 లక్షల ఎకరాల ఆయకట్టుకే నీళ్లొస్తాయంటూ ప్రజలను తప్పుదోవ పట్టిస్తున్నారని విమర్శించారు. తుమ్మిడిహట్టి వద్ద బ్యారేజీ నిర్మిస్తామని, అయితే ప్రభుత్వం అంచనాలు రూపొందించలేదని పేర్కొన్నారు. తమ ప్రభుత్వం పారదర్శకంగా పనిచేస్తోందని చెప్పారు.
News September 20, 2025
తెలంగాణ న్యూస్ రౌండప్
☛ నేడు పంచాయతీ రాజ్, గ్రామీణాభివృద్ధి శాఖల ఆఫీసర్లతో సీఎం రేవంత్ భేటీ. అభివృద్ధి పనుల తీరు, స్థానిక సంస్థల ఎన్నికలపై చర్చించే అవకాశం
☛ ఇందిరమ్మ ఇళ్ల కోసం లబ్ధిదారులను లంచం అడిగితే క్రిమినల్ కేసులు నమోదు చేస్తాం. టోల్ ఫ్రీ నంబర్ 18005995991కి ఫిర్యాదు చేయవచ్చు: మంత్రి పొంగులేటి
☛ అక్టోబర్ నుంచి పత్తి కొనుగోళ్లు: మంత్రి తుమ్మల నాగేశ్వరరావు
☛ నేటి నుంచి PGECET తుది విడత కౌన్సెలింగ్
News September 20, 2025
రేపటి నుంచే బతుకమ్మ వేడుకలు
పరమాత్మతో పాటు ప్రకృతితో మనిషికి ఉన్న అనుబంధాన్ని గుర్తుచేసే అందమైన పండుగ బతుకమ్మ. రేపటి నుంచి ప్రారంభమయ్యే ఈ పండుగ వేడుకలు తెలంగాణ రాష్ట్ర సంస్కృతి, సంప్రదాయాలకు ప్రతిబింబం. ఆదిపరాశక్తిని పూల రూపంలో పూజించడం దీని ప్రత్యేకత. భక్తులు తమ మనసులో కొలువై ఉన్న గ్రామ దేవతలను ఆవిష్కరించి, పాటల రూపంలో తమ భక్తిని చాటుకుంటారు. ఈ పండుగ ఆధ్యాత్మికత, ప్రకృతితో మనిషిని ఏకం చేస్తుంది.