News September 20, 2025
దుర్గమ్మ సన్నిధిలో ఉచితంగా లడ్డూ ప్రసాదం
AP: దసరా ఉత్సవాలకు విజయవాడ ఇంద్రకీలాద్రిపై భారీ ఏర్పాట్లు జరుగుతున్నాయి. ఈ సందర్భంగా మూలా నక్షత్రం, దశమి రోజుల్లో భక్తులకు ఉచితంగా లడ్డూ ప్రసాదాన్ని పంపిణీ చేయాలని ఆలయ కమిటీ నిర్ణయించింది. అలాగే టికెట్లు లేకుండా దర్శనం కల్పించడంతో పాటు దర్శన సమయాన్ని 22 గంటలకు పెంచింది. పంచ హారతిలో ప్రముఖుల ప్రత్యేక దర్శనాల రద్దు, అంతరాలయ దర్శనాల నిలిపివేత, రూ.500 టికెట్లు రద్దు వంటి నిర్ణయాలు కూడా తీసుకున్నారు.
Similar News
News September 20, 2025
GST ఎఫెక్ట్.. సిలిండర్ ధర తగ్గుతుందా?
ఈనెల 22 నుంచి GST కొత్త శ్లాబులు అమల్లోకి రానుండటంతో నిత్యావసరాలతో పాటు చాలా వస్తువుల రేట్లు తగ్గనున్నాయి. అయితే నిత్యం వాడే వంటగ్యాస్ సిలిండర్ రేటు కూడా తగ్గుతుందా అనే సందేహం సామాన్యుల్లో నెలకొంది. ప్రస్తుతం డొమెస్టిక్ సిలిండర్‌పై 5%, కమర్షియల్ సిలిండర్‌పై 18% GST అమల్లో ఉంది. ఇకపైనా ఇదే కొనసాగనుంది. దీనిలో ఎలాంటి మార్పు చేయలేదు. డొమెస్టిక్ సిలిండర్ ధర ప్రస్తుతం రూ.905 ఉంది.
News September 20, 2025
హెయిర్ క్రింపింగ్ ఎలా చేయాలంటే?
కొందరు అమ్మాయిలకు జుట్టు పలుచగా ఉంటుంది. ఒత్తుగా కనిపించాలని పార్లర్‌కి వెళ్లి హెయిర్ క్రింపింగ్ చేయించుకుంటారు. అయితే కొన్ని టిప్స్ పాటించి ఇంట్లోనే దీన్ని చేసుకోవచ్చు. ముందు జుట్టుకు హెయిర్ ప్రొటక్షన్‌ను అప్లై చేసి చిక్కులు లేకుండా దువ్వుకోవాలి. జుట్టును లేయర్స్‌గా తీసుకుంటూ హెయిర్ క్రింపర్‌తో గట్టిగా ప్రెస్ చేయాలి. జుట్టు మొత్తం ఇలా చేశాక హెయిర్ స్ప్రే చేస్తే చాలు జుట్టు ఒత్తుగా కనిపిస్తుంది.
News September 20, 2025
రేపు పాక్‌తో మ్యాచ్.. సూర్య ఏమన్నారంటే?
ఆసియా కప్: రేపు PAKతో జరిగే మ్యాచ్ గురించి మరీ ఎక్కువగా ఆలోచించట్లేదని IND కెప్టెన్ సూర్య తెలిపారు. ‘ప్రతీ మ్యాచ్ ఒక కొత్త ఛాలెంజ్. రేపు సండే కావడంతో చాలా మంది చూస్తారు. గ్రౌండ్‌లోకి దిగి వారిని ఎంటర్టైన్ చేయాలి. సేమ్ ఇంటెన్సిటీ, ఎనర్జీతో ఆడతాం. బెస్ట్ ఇస్తాం’ అని అన్నారు. ఇతరులకు బ్యాటింగ్ చేసే అవకాశం ఇచ్చేందుకే ఒమన్‌తో మ్యాచులో తాను బ్యాటింగ్ చేయలేదన్నారు. తనకు టీమ్ గెలిస్తే చాలని చెప్పారు.