News September 21, 2025
ఫార్మసీ, ఎంఎస్సీ ఫలితాలు విడుదల
అనంతపురం JNTU పరిధిలోని బీఫార్మసీ, ఫార్మాడీ, ఎంఎస్సీ కోర్సుల పరీక్షా ఫలితాలు శనివారం రాత్రి విడుదలయ్యాయి. బీఫార్మసీ 2వ సంవత్సరం 1వ, 2వ సెమిస్టర్ రెగ్యులర్, సప్లిమెంటరీ, ఫార్మాడీ 2వ, 5వ సంవత్సరం, ఎంఎస్సీ 1వ, 2వ సెమిస్టర్ ఫలితాలను విడుదల చేశారు. ఫలితాల కోసం కాలేజీ వెబ్‌సైట్‌లో చూసుకోవచ్చు.
Similar News
News September 21, 2025
అనంతపురం జిల్లా జాతీయ స్థాయిలో సెకండ్.. రాష్ట్ర స్థాయిలో ఫస్ట్..!
అనంతపురం జిల్లా బిందు సేద్యంలో జాతీయ స్థాయిలో రెండో స్థానం, రాష్ట్ర స్థాయిలో మొదటి స్థానం సాధించింది. APMIP PD రఘునాథ్‌రెడ్డి, APD ఫిరోజ్‌ ఖాన్‌ ఢిల్లీలో జరిగిన స్కోచ్-2025 అవార్డుల కార్యక్రమంలో ఛైర్మన్ సమీర్ నుంచి అవార్డు అందుకున్నారు. వారికి జిల్లా అధికారులు పెద్దఎత్తున అభినందనలు తెలిపారు.
News September 21, 2025
రాష్ట్రస్థాయి అథ్లెటిక్స్ పోటీలకు అమూల్య ఎంపిక
అనంతపురం జిల్లా అథ్లెటిక్స్ పోటీల్లో 400 మీటర్ల పరుగులో అద్భుత ప్రదర్శన చూపిన గుంతకల్లుకు చెందిన బి.అమూల్య రాష్ట్రస్థాయి అండర్-20 అథ్లెటిక్స్ పోటీలకు ఎంపికయ్యారు. స్థానిక ప్రభుత్వ జూనియర్ కళాశాలలో ఇంటర్ చదువుతున్న ఆమె.. ఈనెల 27న ఏలూరులో జరిగే పోటీల్లో అనంతపురం జిల్లా తరఫున పాల్గొననుంది. విజయంలో సహకరించిన వారందరికీ కృతజ్ఞతలు తెలిపిన అమూల్యను పలువురు అభినందించారు.
News September 21, 2025
మీ కోసం కాల్ సెంటర్ 1100 సద్వినియోగం చేసుకోండి: కలెక్టర్
అనంతపురం జిల్లా ప్రజలు కాల్ సెంటర్ 1100 సేవలను వినియోగించుకోవాలని కలెక్టర్ ఆనంద్ చెప్పారు. కలెక్టరేట్లో మాట్లాడిన ఆయన అర్జీలు సమర్పించిన ప్రజలకు సమస్య పరిష్కారం కాకపోతే 1100 నంబర్‌కు ఫిర్యాదు చేయవచ్చని వెల్లడించారు. ప్రజలు ఈ అవకాశాన్ని సద్వినియోగం చేసుకోవాలని సూచించారు.