News September 21, 2025
కొండపిలో పొగాకు ధరలు పతనం
కొండపి పొగాకు వేలం కేంద్రంలో లోగ్రేడ్ ధరలు రైతులకు షాక్ ఇస్తున్నాయి. వేలం ప్రారంభంలో కేజీ రూ.250గా ఉన్న లోగ్రేడ్ పొగాకు 12వ రౌండ్ చివరకు రూ.100కి పడిపోయింది. లో గ్రేడ్ బేళ్ల తిరస్కరణ సంఖ్య సైతం ఎక్కువగా ఉంటోంది. వేలం ముగింపు దశలోనూ బేళ్లు కొనుగోలు చేయడం లేదని రైతులు వాపోతున్నారు.
Similar News
News September 21, 2025
ప్రకాశంకు ఆరెంజ్ అలర్ట్.. 3 గంటల్లో భారీ వర్షాలు.!
ప్రకాశం జిల్లాకు ఆరెంజ్ అలర్ట్ జారీ చేస్తూ ఏపీ ప్రకృతి విపత్తుల నిర్వహణ సంస్థ ఆదివారం ప్రకటన జారీచేసింది. రాబోయే మూడు గంటల్లో భారీ తుఫానుతోపాటు, పిడుగులు కూడా పడే అవకాశం ఉందని సంబంధిత అధికారులు ప్రకటించారు. ప్రజలు హోర్డింగుల వద్ద ఉండరాదని, అలాగే శిథిలావస్థకు చేరిన భవనాలకు దూరంగా ఉండాలని అధికారులు సూచించారు. మూడు గంటలపాటు ఆరెంజ్ అలర్ట్ ప్రకటించినట్లు వారు తెలిపారు.
News September 21, 2025
టంగుటూరు: 80 క్వింటాళ్ల లోగ్రేడ్ పొగాకు సీజ్
విజిలెన్స్ అధికారి హేమంత్ కుమార్ శనివారం తెల్లవారుజామున 16 లక్షల విలువైన 80 క్వింటాళ్ల లోగ్రేడ్ పొగాకును అక్రమంగా తరలిస్తున్న లారీని పట్టుకున్నట్లు తెలిపారు. పొదిలి నుంచి చిలకలూరిపేట వెళ్తుండగా జాతీయ రహదారిపై లారీని అదుపులోకి తీసుకున్నారు. అక్రమంగా పొగాకు కొనుగోలు చేసే వ్యాపారులు తీరు మార్చుకోకపోతే లైసెన్సులు రద్దు చేస్తామని హెచ్చరించారు. ఇప్పటికే జిల్లాలో 50 కేసులు నమోదు చేసినట్లు పేర్కొన్నారు.
News September 21, 2025
ప్రకాశం జిల్లాలో వర్షపాతం వివరాలు ఇలా.!
ప్రకాశం జిల్లాలో 24 గంటల్లో భారీ వర్షం కురిసింది. ఎక్కడ ఎంత వర్షపాతం(మిల్లీ మీటర్లలో) నమోదైందంటే..
➤హనుమంతునిపాడు: 69 ➤తాళ్లూరు:66 ➤తర్లపాడు: 64.2
➤పుల్లలచెరువు-60.4 ➤దర్శి-46.2 ➤ టంగుటూరు: 46.2
➤త్రిపురాంతకం-39.4 ➤పెద్దారవీడు-38.6➤ కనిగిరి-34
➤మర్రిపూడి-32.8 ➤జరుగుమల్లి: 32.4
➤ చీమకుర్తి-45 ➤ఒంగోలు: 30.6