News September 21, 2025
HYD: విద్యార్థికి అన్ని విధాలా అండగా ఉంటాం: ఢిల్లీ పబ్లిక్ స్కూల్
గత నెల 29వ తేదీన ఢిల్లీ పబ్లిక్ స్కూల్‌లో జరిగిన ఘటనకు తాము చింతిస్తున్నామని యాజమాన్యం ఈరోజు ఓ ప్రెస్‌నోట్ రిలీజ్ చేసింది. విద్యార్థుల పరిరక్షణకు ఢిల్లీ పబ్లిక్ స్కూల్ యాజమాన్యం ఎల్లప్పుడూ కట్టుబడి ఉంటుందని చెప్పింది. విద్యార్థికి గాయాలైన వెంటనే స్పందించి చికిత్స నిమిత్తం ఆస్పత్రికి తరలించామని పేర్కొంది. విద్యార్థి కోలుకున్న తర్వాత చదువు విషయంలో ఇబ్బంది కలగకుండా అండగా ఉంటామని హామీ ఇచ్చింది.
Similar News
News September 22, 2025
HYD: ఈ వారానికి మాత్రమే హైడ్రా ప్రజావాణి వాయిదా
హైడ్రా ప్ర‌తి సోమ‌వారం నిర్వ‌హించే ప్ర‌జావాణిని ఈసారికి మాత్రమే మంగ‌ళ‌వారానికి వాయిదా వేసింది. ఈనెల 22న ఉండాల్సిన ప్ర‌జావాణిని 23వ తేదీన నిర్వ‌హించనున్నట్లు ప్ర‌క‌టించింది. ఈ మార్పును గ‌మ‌నించి మంగ‌ళ‌వారం నిర్వ‌హించే ప్ర‌జావాణికి వ‌చ్చి ఫిర్యాదు చేయాల‌ని హైడ్రా కోరింది. ఈ మార్పు కేవ‌లం ఈ వారానికే మాత్రమే ప‌రిమితమ‌ని పేర్కొంది. ఆ తర్వాత వారం నుంచి ప్ర‌తి సోమ‌వారం ప్రజావాణి ఉంటుందని తెలిపింది.
News September 22, 2025
FLASH: HYD-విజయవాడ జాతీయ రహదారిపై భారీగా వరద
హయత్‌నగర్‌లో HYD-విజయవాడ జాతీయ రహదారిపై భారీగా వరద నీరు నిలిచిపోయింది. ఏకధాటిగా కురిసిన భారీ వర్షానికి సమీప రోడ్లన్నీ జలమయమయ్యాయి. దీంతో వాహనదారులకు మరోసారి ఇబ్బందులు తప్పడం లేదు. అటు దసరా సెలవుల నేపథ్యంలో సొంతూళ్లకు బయలు దేరిన ప్రయాణికులు ఇబ్బందులు ఎదుర్కొంటున్నారు. ట్రాఫిక్ పోలీసులు పరిస్థితిని సమీక్షిస్తున్నారు.
News September 22, 2025
HYD: కోహెడ జలపాతంలో పడిపోయిన ఇంటర్ విద్యార్థి
HYD అబ్దుల్లాపూర్‌మెట్ PS పరిధి కోహెడ జలపాతంలో ఇంటర్ విద్యార్థి గల్లంతయ్యాడు. బేగంపేట రసూల్‌పూర్‌కు చెందిన క్యామా సాయితేజ(17), అతడి ఏడుగురు స్నేహితులు సాయిరాం, నందు, మహేశ్, జయంత్, విష్ణు సుర్నార్, కార్తీక్, సునీల్ కలిసి సా.4 గంటల ప్రాంతంలో ORR సర్వీస్ రోడ్డు పక్కనున్న కోహెడ జలపాతం వద్దకెళ్లారు. ఫొటోలు తీస్తుండగా సాయితేజ ప్రమాదవశాత్తు నీటిలో పడిపోయాడు. అగ్నిమాపక సిబ్బంది, DRF బృందం వెతుకుతున్నారు.