News September 22, 2025
జూడోలో హిమాన్షి టోకాస్ రికార్డు
అంతర్జాతీయ జూడో సమాఖ్య (IJF) ప్రకటించిన ర్యాంకింగ్స్‌లో భారత ప్లేయర్ హిమాన్షి టోకాస్ అగ్రస్థానంలో నిలిచారు. ఉమెన్స్ జూనియర్ విభాగంలో ఆమె 610 పాయింట్లు సాధించారు. దీంతో 20 ఏళ్లకే 63 కిలోల విభాగంలో ప్రపంచ నంబర్-1 ర్యాంక్ సాధించిన తొలి ఇండియన్‌గా హిమాన్షి రికార్డు సృష్టించారు. SEP 13న జరిగిన ఆసియా జూనియర్ ఛాంపియన్‌షిప్-2025లో విజయం సాధించడంతో ఈ ఘనత దక్కింది.
Similar News
News September 22, 2025
GST సంస్కరణలతో సామాన్యులకు మేలు: జగన్
AP: GST సంస్కరణల తుది ప్రయోజనాలు వినియోగదారులకు అందుతాయని ఆశిస్తున్నట్లు మాజీ సీఎం జగన్ పేర్కొన్నారు. ‘ఇది సరళమైన, న్యాయమైన పన్ను వ్యవస్థ వైపు ఒక విప్లవాత్మక అడుగు. సేవలు, వస్తువులను ప్రతి పౌరుడికి సరసమైన ధరల్లో అందించడంలో ఈ చర్యలు ఉపయోగపడతాయి. తొలుత కొన్ని ఫిర్యాదులు, ఇబ్బందులు ఉండొచ్చు. ఇది కచ్చితంగా ఆర్థిక వ్యవస్థకు అవసరమైన ప్రోత్సాహాన్ని అందిస్తుంది’ అని ట్వీట్ చేశారు.
News September 22, 2025
పండగ కానుక.. 25 లక్షల ఉచిత గ్యాస్ కనెక్షన్లు
కేంద్ర ప్రభుత్వం నవరాత్రి ఉత్సవాల సందర్భంగా మహిళలకు శుభవార్త చెప్పింది. ప్రధాన్ మంత్రి ఉజ్వల యోజన(PMUY) కింద దేశంలో కొత్తగా 25 లక్షల ఉచిత LPG కనెక్షన్స్ ఇవ్వనున్నట్లు కేంద్ర మంత్రి హర్దీప్ సింగ్ పూరి ప్రకటించారు. దీంతో మొత్తం కనెక్షన్ల సంఖ్య 10.60 కోట్లకు చేరుతుందని తెలిపారు. ‘ఇది మహిళా శక్తికి గొప్ప కానుక. PM మోదీ మహిళలను దుర్గా దేవిలా కొలుస్తారనడానికి ఇదే నిదర్శనం’ అని ఆయన ట్వీట్ చేశారు.
News September 22, 2025
ఎయిర్‌ఇండియా విమానంలో కలకలం
బెంగళూరు నుంచి వారణాసి వెళ్తున్న ఎయిర్‌ఇండియా ఫ్లైట్లో ఓ ప్రయాణికుడు కాక్‌పిట్ డోర్ తెరిచేందుకు ప్రయత్నించడంతో కలకలం రేగింది. దీనిపై ఎయిర్‌ఇండియా స్టేట్‌మెంట్ విడుదల చేసింది. ప్రయాణికుడు టాయిలెట్ అనుకుని పొరపాటున కాక్‌పిట్ డోర్ తీయడానికి ప్రయత్నించాడని తెలిపింది. భద్రతా పరమైన సమస్య తలెత్తలేదని ప్రకటించింది. అతడిని CISF అదుపులోకి తీసుకుంది.