News September 22, 2025
NZB: ‘భూసేకరణ ప్రక్రియను నెలాఖరు లోపు పూర్తి చేయాలి’
జాతీయ రహదారుల నిర్మాణానికి అవసరమైన భూ సేకరణ ప్రక్రియను ఈ నెలాఖరు లోపు పూర్తి చేయాలని ముఖ్యమంత్రి రేవంత్ రెడ్డి ఆదేశించారు. జాతీయ రహదారుల నిర్మాణం, విస్తరణ పనులకు అవసరమైన స్థల సేకరణపై రేవంత్ రెడ్డి సోమవారం సచివాలయం నుంచి ప్రభుత్వ ప్రధాన కార్యదర్శి రామకృష్ణా రావుతో కలిసి అన్ని జిల్లాల కలెక్టర్లతో వీడియో కాన్ఫరెన్స్ ద్వారా సమీక్ష నిర్వహించి సూచనలు జారీ చేశారు.
Similar News
News September 22, 2025
సంస్కృతి ప్రతిబింబించేలా బతుకమ్మ సంబరాలు: NZB కలెక్టర్
తెలంగాణ సంస్కృతి, సంప్రదాయాలు ప్రతిబింబించేలా బతుకమ్మ సంబురాలను జిల్లాలో వైభోపేతంగా నిర్వహించాలని కలెక్టర్ టి.వినయ్ కృష్ణారెడ్డి అధికారులను ఆదేశించారు. కలెక్టరేట్‌లో సోమవారం ఆయన వివిధ శాఖల అధికారులతో సమావేశమై బతుకమ్మ వేడుకల నిర్వహణకు చేపట్టాల్సిన చర్యలపై దిశా నిర్దేశం చేశారు. జిల్లాలోని అన్ని పట్టణాలు, మండల కేంద్రాలు, గ్రామాల్లో బతుకమ్మ శోభ ఉట్టిపడేలా వేడుకలకు అన్ని ఏర్పాట్లు చేయాలన్నారు.
News September 22, 2025
NZB: బైక్ దొంగతనాలకు పాల్పడిన ఇద్దరి అరెస్ట్
బైక్ దొంగతనాలకు పాల్పడిన ఇద్దరిని సోమవారం అరెస్ట్ చేసి రిమాండుక్ తరలించినట్లు నిజామాబాద్ టౌన్-I SHO రఘుపతి తెలిపారు. భైంసాకు చెందిన హనువాతే భీమ్, హనువాతే సుభాష్ NZB 50 క్వార్టర్స్‌లో ఉంటూ మద్యం, జల్సాల కోసం బైక్ దొంగతనాలు చేస్తున్నట్టు చెప్పారు. NZB, భైంసా, నందిపేట్, బాల్కొండ ప్రాంతాల్లో బైక్ దొంగతనాలు చేశారన్నారు. వారి నుంచి 4 బైక్‌లు స్వాధీనం చేసుకున్నట్లు పేర్కొన్నారు.
News September 22, 2025
NZB: EVM గోడౌన్‌ను పరిశీలించిన కలెక్టర్
నిజామాబాద్‌లోని వినాయకనగర్‌లో ఉన్న EVM గోడౌన్‌ను సోమవారం సాయంత్రం కలెక్టర్ టి.వినయ్ కృష్ణారెడ్డి, రాష్ట్ర ఎన్నికల సంఘం డిప్యూటీ సీఈఓ హరిసింగ్, అదనపు కలెక్టర్ కిరణ్ కుమార్, ఈవీఎం నోడల్ అధికారి ప్రసాద్ పరిశీలించారు. EVM గోడౌన్ వద్ద భద్రతా ఏర్పాట్లను తనిఖీ చేశారు. సీసీ కెమెరాల ఫుటేజీని పరిశీలించారు.