News September 24, 2025
USA క్రికెట్ సభ్యత్వ హోదాను రద్దు చేసిన ICC
యూఎస్ఏ అంతర్జాతీయ సభ్యత్వాన్ని ఐసీసీ రద్దు చేస్తున్నట్లు ప్రకటించింది. పదే పదే నిబంధనలు ఉల్లంఘించడంతో ఈ నిర్ణయం తీసుకున్నట్లు పేర్కొంది. జాతీయ స్థాయిలో గవర్నింగ్ బాడీ హోదాను పొందడంలో పురోగతి లేకపోవడం, సంస్థాగత నిర్మాణంలో వైఫల్యం, యూఎస్‌తో పాటు అంతర్జాతీయంగానూ క్రికెట్‌ను దెబ్బతీసేలా వ్యవహరించడం వంటి అంశాలను పరిగణనలోకి తీసుకున్నట్లు వెల్లడించింది. దీంతో ICC నిర్వహించే ఈవెంట్లలో యూఎస్ఏ పాల్గొనలేదు.
Similar News
News September 24, 2025
అమరావతి మునిగిపోయిందని పోస్టు చేసిన ఉద్యోగి సస్పెండ్
AP: అమరావతి మునిగిపోయిందంటూ ఫేస్‌బుక్‌లో పోస్ట్ పెట్టిన తిరుపతి GST అసిస్టెంట్ కమిషనర్ సుభాష్‌ను ప్రభుత్వం సస్పెండ్ చేసింది. ‘అమరావతిలో 3 రిజర్వాయర్లు ఎందుకు? అమరావతినే ఒక రిజర్వాయర్‌గా కడితే పోలా? ఒకే ఒక్క వర్షం అమరావతి జలమయం’ అని AUG 19న పోస్టు చేశారు. ప్రభుత్వ ఉద్యోగి పోస్టులు వ్యక్తిగతం కావని, ప్రజలను ప్రభావితం చేయడంతో పాటు సర్వీస్ నిబంధనలను ఉల్లంఘించినట్లు అవుతుందని ప్రభుత్వం స్పష్టం చేసింది.
News September 24, 2025
మరుగున పడుతున్న సాంప్రదాయ ఆకుకూరల సాగు
ఒకప్పుడు ప్రాంతాలను బట్టి అనేక రకాల ఆకుకూరలను ఉపయోగించేవారు. ఉదాహరణకు రాయలసీమలో పప్పాకు, ఎర్రబద్దాకు, పొనగంటాకు, బచ్చలాకు, చెంచలాకు, అవిసాకు, మునగాకు, కాంచి ఆకు, అటుకు మామిడి ఆకు, చింతాకు, గురుగాకు మొదలైనవి ఆకుకూరలుగా ఉపయోగిస్తారు. వీటితో తయారుచేసిన వంటలు అధిక పోషకాలు కలిగి మంచి వాసన, రుచి ఉండేవి. తరాలు మారుతుండటం, ఆసక్తి తగ్గడంతో ఇలాంటి ఆకుకూరల్లో కొన్నింటి సాగు, వినియోగం తగ్గింది.
News September 24, 2025
334 పోస్టులు.. దరఖాస్తుకు ఇవాళే లాస్ట్
ఢిల్లీ సబార్డినేట్ సర్వీస్ సెలక్షన్ బోర్డ్‌లో 334 పోస్టులకు దరఖాస్తు చేయడానికి ఇవాళే ఆఖరు తేదీ. వీటిలో కోర్ట్ అటెండెంట్, రూమ్ అటెండెంట్, సెక్యూరిటీ అటెండెంట్ పోస్టులు ఉన్నాయి. టెన్త్ అర్హత గల 27ఏళ్ల లోపు అభ్యర్థులు అప్లై చేసుకోవచ్చు. దరఖాస్తు ఫీజు రూ.100, ఎస్సీ, ఎస్టీ, మహిళలకు ఫీజు లేదు.
వెబ్‌సైట్: https://dsssb.delhi.gov.in/