News September 28, 2025

టెక్కలి: పాముకాటుకు రైతు మృతి

టెక్కలి మండలం బన్నువాడ గ్రామానికి చెందిన కూర్మారావు(65) అనే రైతు ఆదివారం సాయంత్రం పాముకాటుకు గురై మృతిచెందాడు. స్థానికుల వివరాల మేరకు గ్రామంలోని పంట పొలంలో ఎరువులు చల్లుతున్న సమయంలో పాము కాటు వేయడంతో అపస్మారక స్థితికి చేరుకున్నాడు. కుటుంబసభ్యులు హుటాహుటీన టెక్కలి జిల్లా ఆసుపత్రికి తరలించగా ఆసుపత్రి సమీపంలో మృతిచెందాడు. మృతునికి భార్య, కుమార్తె ఉన్నారు.