News September 29, 2025
పేదల ఇళ్ల నిర్మాణంపై అన్ని అబద్దాలే: కాకాణి
పేదల ఇళ్ల నిర్మాణంపై అసెంబ్లీలో CM చంద్రబాబు అబద్దాలు మాట్లాడారని మాజీ మంత్రి కాకాణి విమర్శించారు. కూటమి ప్రభుత్వంలో 6.15 లక్షల ఇళ్ల నిర్మాణం జరుగుతుందనడం బూటకమన్నారు. BC, SCలకు రూ.50 వేలు, STలకు రూ.70వేలు, ఆదివాసీలకు రూ.లక్ష ఇస్తున్నాం అని చెప్పారని, వాటిని ఎక్కడ ఇస్తున్నారో చెప్పాలని ప్రశ్నించారు. అసెంబ్లీ సమావేశాలు జగన్ను విమర్శించడానికి చంద్రబాబు, మంత్రి లోకేశ్‌ను పొగడటానికే సరిపోయిందన్నారు.
Similar News
News November 5, 2025
నెల్లూరు: రేపే నారా లోకేశ్ రాక
నెల్లూరు జిల్లాలో నారా లోకేశ్ పర్యటన ఖారారైంది. ఆయన గురువారం దగదర్తికి రానున్నారు. దివంగత ఆగ్రో ఇండస్ట్రీస్ కార్పొరేషన్ ఛైర్మన్ మాలేపాటి సుబ్బానాయుడు కుటుంబ సభ్యులను ఆయన పరామర్శించనున్నారు. సంబంధిత ఏర్పాట్లను ఎమ్మెల్సీ భూమిరెడ్డి రాంగోపాల్ రెడ్డి, కావలి డీఎస్పీ శ్రీధర్ బుధవారం పరిశీలించారు.
News November 5, 2025
NLR: జనసేనలో విబేధాలపై రహస్య విచారణ
నెల్లూరు జనసేనలో నెలకొన్న అంతర్గత విభేదాలపై రాష్ట్ర నాయకత్వం దృష్టి పెట్టింది. టిడ్కో ఛైర్మన్ అజయ్ కుమార్‌కు వ్యతిరేకంగా ఓ వర్గం పవన్ కళ్యాణ్‌కు ఫిర్యాదు చేసింది. ఈ నేపథ్యంలో జిల్లాకు MSME ఛైర్మన్ శివ శంకర్ వచ్చారు. రెండు రోజుల పాటు నేతలతో విడివిడిగా మాట్లాడారు. నివేదికను జనసేనానికి అందివ్వనున్నారు. జనసేనాని జోక్యంతో నేతల్లో ఉన్న అసంతృప్తి జ్వాల చల్లారుతుందో లేదో చూడాలి.
News November 5, 2025
లంకా దినకర్ నెల్లూరు జిల్లా పర్యటన వాయిదా
20 అంశాల కార్యక్రమ అమలు కమిటీ ఛైర్మన్ లంకా దినకర్ నెల్లూరు జిల్లా పర్యటన వాయిదా పడినట్లు కలెక్టర్ హిమాన్షు శుక్లా తెలిపారు. షెడ్యూల్ ప్రకారం ఆయన బుధవారం జిల్లాలోని ఏదో ఒక ప్రభుత్వ పాఠశాల అంగన్వాడీ కేంద్రాన్ని తనిఖీ చేసి, సాయంత్రం కలెక్టరేట్‌లో అధికారులతో సమావేశం నిర్వహించాల్సి ఉంది. అనివార్య కారణాలవల్ల ఈ పర్యటన వాయిదా పడినట్లు కలెక్టర్ వెల్లడించారు.