News April 6, 2024
ఎన్నికల చిచ్చు.. ఇంటిని వదిలిన ఎమ్మెల్యే భర్త
మధ్యప్రదేశ్‌లో LS ఎన్నికలు భార్యాభర్తల మధ్య <<12960420>>చిచ్చు<<>> పెట్టాయి. అక్కడ కాంగ్రెస్ MLA అనుభా భర్త కంకర్ ముంజరే BSP తరఫున బాలాఘాట్ MPగా పోటీ చేస్తున్నారు. విభిన్న సిద్ధాంతాలున్న వ్యక్తులు ఓచోట ఉంటే మ్యాచ్ ఫిక్సింగ్‌గా ప్రజలు భావిస్తారని కంకర్ ఇంటి నుంచి బయటకు వచ్చేశారు. APR 19న పోలింగ్ పూర్తయ్యాకే తిరిగెళ్తానని ప్రకటించారు. బాలాఘాట్‌లో INC విజయానికి కృషి చేస్తానని అనుభా స్పష్టం చేశారు.
<<-se>>#ELECTIONS2024<<>>
Similar News
News April 25, 2025
BREAKING: ఎమ్మెల్సీ ఎన్నికల్లో ఎంఐఎం గెలుపు
హైదరాబాద్ స్థానిక సంస్థల కోటా ఎమ్మెల్సీ ఎన్నికల్లో ఎంఐఎం అభ్యర్థి మీర్జా రియాజ్ హసన్ గెలుపొందారు. ఆయనకు 63 ఓట్లు రాగా బీజేపీ అభ్యర్థి గౌతమ్ రావుకు 25 ఓట్లు మాత్రమే వచ్చాయి. ఈ ఎన్నికలకు కాంగ్రెస్, BRS దూరంగా ఉండటంతో బీజేపీ, ఎంఐఎం మాత్రమే బరిలో నిలిచాయి. మొత్తం 112 ఓట్లకు గానూ 88 ఓట్లు పోలయ్యాయి.
News April 25, 2025
చదివి గెలిచింది.. కానీ అనారోగ్యం కబళించింది
AP: నంద్యాల జిల్లా దొర్నిపాడులో హృదయవిదారక ఘటన వెలుగులోకి వచ్చింది. జెడ్పీ హైస్కూల్‌లో చదివి 557 మార్కులు సాధించిన సారా అనే బాలిక ఆ సంతోషాన్ని ఆస్వాదించలేకపోయింది. తీవ్ర అనారోగ్యానికి గురై చికిత్స పొందుతూ ఈ నెల 19వ తేదీనే మరణించింది. చనిపోయే ముందు కూడా తనకు 500పైనే మార్కులొస్తాయని చెప్పిందంటూ పేరెంట్స్ కన్నీరుమున్నీరవుతున్నారు.
News April 25, 2025
BREAKING: తప్పిన రైలు ప్రమాదం
తమిళనాడులోని అరక్కోణంలో పెను ప్రమాదం తప్పింది. రైల్వే పట్టాలపై దుండగులు బోల్టులు తప్పించారు. అధికారుల అప్రమత్తతతో ప్రమాదం తప్పింది. దీంతో పలు రైళ్ల రాకపోకలకు అంతరాయం ఏర్పడింది. బెంగళూరు, కేరళ వెళ్లే రైళ్లను దారి మళ్లించారు. ఘటనపై రైల్వే అధికారులు విచారణ చేపట్టారు. సీసీ ఫుటేజీలు పరిశీలిస్తున్నారు.