News October 5, 2025
ఒకప్పటి హీరోహీరోయిన్లు ఇప్పుడెలా ఉన్నారో చూడండి!
చెన్నైలో జరిగిన 80వ దశకం సినీ తారల రీయూనియన్లో స్టార్ నటీనటులు పాల్గొన్నారు. ఆనాటి హీరోలు, హీరోయిన్లంతా స్టైలిష్ ఔట్‌ఫిట్స్‌లో మెరిశారు. ఆరుపదుల వయసులోనూ తగ్గేదేలే అంటూ సందడి చేశారు. దీనికి సంబంధించిన ఫొటోలను చిరంజీవి Xలో షేర్ చేశారు. ‘80ల నాటి నా ప్రియమైన స్నేహితులను కలిసినప్పుడల్లా పాత జ్ఞాపకాలన్నీ గుర్తొస్తాయి. ప్రతి సమావేశం మొదటిదానిలానే కొత్తగా అనిపిస్తుంది’ అని ఆయన ఆనందం వ్యక్తం చేశారు.
Similar News
News October 5, 2025
బిహార్ రాష్ట్రంలా మారిన ఏపీ: వైసీపీ
AP: కూటమి పాలనలో ఏపీ ఇప్పుడు బిహార్‌లా తయారైందని వైసీపీ విమర్శలు చేసింది. రాష్ట్రంలో ప్రజల ధన, మాన, ప్రాణాలకు రక్షణ కరవైందని విమర్శించింది. ఎమ్మెల్యేలు రౌడీల అవతారం ఎత్తి పారిశ్రామికవేత్తలకు హుకుం జారీ చేస్తున్నారని దుయ్యబట్టింది. వారికి వాటాలు ఇవ్వకపోతే కంపెనీలు నడవని పరిస్థితి నెలకొందని, దీంతో పెట్టుబడులకు ఏపీ సురక్షితం కాదని NRIలు ఆగ్రహం వ్యక్తం చేస్తున్నారని రాసుకొచ్చింది.
News October 5, 2025
రాజీనామాకు సిద్ధమవుతున్న దానం?
ఖైరతాబాద్ MLA పదవికి దానం నాగేందర్ రాజీనామా చేస్తారని సమాచారం. 2023లో BRS నుంచి MLAగా గెలిచి 24లో కాంగ్రెస్ టికెట్‌పై సికింద్రాబాద్ MPగా పోటీ చేశారని స్పీకర్‌కు BRS ఆధారాలు ఇచ్చింది. మరోవైపు జూబ్లీహిల్స్ బైపోల్ అభ్యర్థులపై PCC షార్ట్ లిస్ట్‌లో ఆయన పేరు లేదు. దీంతో టికెట్ కన్ఫర్మ్‌కు ముందే రిజైన్ చేస్తే హైకమాండ్ పాజిటివ్‌గా ఉండొచ్చని భావిస్తున్నారు. దీనిపై Way2News ప్రశ్నకు దానం సమాధానం దాటవేశారు.
News October 5, 2025
పీరియడ్స్ రాకముందే PCOS వస్తుందా?
పీరియడ్స్ మొదలయ్యాక సాధారణంగా కనిపించే సమస్యల్లో PCOS ఒకటి. ఇది హార్మోన్ల అసమతుల్యత వల్ల వస్తుంది. అయితే రుతుక్రమం మొదలుకాకముందే కొందరు బాలికల్లో PCOS లక్షణాలు కనిపిస్తాయని నిపుణులు చెబుతున్నారు. త్వరగా బరువు పెరగడం, పొట్టచుట్టూ కొవ్వు పెరగడం, చర్మ సమస్యలు, అవాంఛిత రోమాలు వస్తాయంటున్నారు. వీటిని గుర్తించిన వెంటనే వైద్యుల సూచనతో పోషకాలతో కూడిన ఆహారం, యోగా, వ్యాయామం వంటివి చేయాలని సూచిస్తున్నారు.