News October 5, 2025
కొడాలి నాని భవిష్యత్తు రాజకీయాలపై ఉత్కంఠ.!
మాజీ ఎమ్మెల్యే కొడాలి నాని 2024 ఎన్నికల ఓటమి అనంతరం దాదాపు సంవత్సరం పాటు రాజకీయాలకు దూరంగా ఉన్నారు. అనారోగ్యం, కేసు నమోదు వంటి కారణాలతో ఆయన గుడివాడకు వచ్చారు. అప్పటి నుంచి ప్రతి కార్యక్రమంలో పాల్గొంటున్న నాని భవిష్యత్తు రాజకీయాలపై వైసీపీ నాయకులు, కార్యకర్తల్లో ఆసక్తి నెలకొంది. గతంలో చేసిన వ్యాఖ్యల నేపథ్యంలో ఆయన తదుపరి రాజకీయ అడుగులు ఎలా ఉండబోతున్నాయనే దానిపై ఈ ఉత్కంఠ కొనసాగుతోంది.
Similar News
News October 6, 2025
నకిలీ మద్యంపై ఉక్కుపాదం: CM చంద్రబాబు
AP: రాష్ట్రంలో నకిలీ మద్యాన్ని ఎట్టి పరిస్థితుల్లో ఉపేక్షించేది లేదని సీఎం చంద్రబాబు అన్నారు. ప్రజల ప్రాణాలకు చేటు చేసే నకిలీ మద్యంపై ఉక్కుపాదం మోపాలని అధికారులను ఆదేశించారు. అన్నమయ్య జిల్లా ములకలచెరువులో నకిలీ మద్యం వ్యవహారంలో నిందితులపై కఠిన చర్యలు తీసుకోవాలన్నారు. నిష్పక్షపాతంగా దర్యాప్తు చేయాలని సూచించారు. కాగా నిందితులు జయచంద్రారెడ్డి, సురేంద్ర నాయుడును టీడీపీ సస్పెండ్ చేసింది.
News October 6, 2025
జిల్లా ఎస్పీ ఆదేశాలతో విజిబుల్ పోలీసింగ్
కడప జిల్లా వ్యాప్తంగా పోలీసులు ఆదివారం జిల్లా ఎస్పీ ఆదేశాలతో విజిబుల్ పోలీసింగ్ నిర్వహించారు. ప్రజల భద్రత కోసం వాహనాల తనిఖీలు, సైబర్ నేరాలపై అవగాహన, రహదారి భద్రత నిబంధనల అమలు చేశారు. డ్రంకెన్ డ్రైవ్, సెల్‌ఫోన్ డ్రైవింగ్ వంటి ఉల్లంఘనలపై కఠిన చర్యలు తీసుకుంటామని హెచ్చరించారు. ప్రజలు ఏవైనా భద్రత సమస్యలు ఎదుర్కొంటే వెంటనే పోలీసులకు సమాచారం ఇవ్వాలని సూచించారు.
News October 6, 2025
కల్తీ మద్యం కేసు.. కీలక TDP నేతలు ఔట్.!
రాష్ట్రంలో సంచలనం రేపిన ములకలచెరువు కల్తీ మద్యం కేసులో ఆరోపణలు ఎదుర్కొంటున్న తంబళ్లపల్లి TDP నియోజకవర్గ ఇన్‌ఛార్జ్ దాసరపల్లి జై చంద్రారెడ్డిని CM చంద్రబాబు ఆదేశాల మేరకు సస్పెండ్ చేస్తూ ఆ పార్టీ రాష్ట్ర అధ్యక్షుడు పల్లా శ్రీనివాస రావు ఉత్తర్వులు జారీ చేశారు. అలాగే ఈ కేసులో నిందితుడుగా ఉన్న పీటీ మండలం మల్లెలకు చెందిన కట్ట సురేంద్ర నాయుడును సైతం పార్టీ నుంచి సస్పెండ్ చేసినట్లు పేర్కొన్నారు.