News October 5, 2025
అమలాపురంలో జాతీయ సాహితీ సదస్సు
ప్రముఖుల సాహిత్యం నేటి తరాలకు ఆదర్శం కావాలని, వారి సాహిత్య బాటలో సామాజికంగా పయనించాలని కవులు, రచయితలు పిలుపునిచ్చారు. తెలుగు అసోసియేషన్ అకాడమీ బుక్ ఆఫ్ రికార్డ్స్, ఏపీ భాషా సంస్కృతిక శాఖల ఆధ్వర్యంలో ఆదివారం అమలాపురంలోని కోనసీమ మహిళా మండలి భవనంలో ‘దళిత తేజాలు’ పేరిట జాతీయ సాహితీ సదస్సు నిర్వహించారు. సంస్థ అధ్యక్షురాలు ఉషా జ్యోతి అధ్యక్షతన ఈ సదస్సు జరిగింది, ఇందులో పలువురు కవులు పాల్గొన్నారు.
Similar News
News March 20, 2026
నల్గొండ: ఇరుకైన బ్రిడ్జిలు.. ఘోర ప్రమాదాలు
కోదాడ-జడ్చర్ల, నల్గొండ-మాచర్ల హైవేలపై ఇరుకైన వంతెనలు, రక్షణ గోడలు లేకపోవడంతో ఘోర ప్రమాదాలు జరుగుతున్నాయి. గత నెల హాలియా సమీపంలో జరిగిన లారీ ప్రమాదంలో కొత్తగూడెం దంపతులు మృతి చెందగా, కంపాసాగర్ వద్ద కారు కాల్వలో పడి మరో దంపతులు ప్రాణాలు కోల్పోయారు. ఈ వరుస ఘటనలు ప్రయాణికులను వణికిస్తున్నాయి. అధికారులు స్పందించి వంతెనలకు రక్షణ గోడలు నిర్మించి, ప్రమాదాలను అరికట్టాలని స్థానికులు కోరుతున్నారు.
News March 20, 2026
ఒక్క రోజే రూ.5,000 తగ్గిన వెండి ధర
హైదరాబాద్ బులియన్ మార్కెట్లో ఓ వైపు <<19430821>>బంగారం<<>> ధరలు పెరగ్గా వెండి ధరలు తగ్గాయి. కేజీ సిల్వర్పై రూ.5వేలు తగ్గి రూ.2,60,000 పలుకుతోంది. నిన్న కూడా కేజీపై రూ.10,000 తగ్గిన విషయం తెలిసిందే. మొత్తంగా 3 రోజుల్లో కేజీపై రూ.20,000 తగ్గడం గమనార్హం.
News March 20, 2026
గ్యాస్ కొరత లేదు.. ఆందోళన వద్దు: కలెక్టర్
జిల్లాలో ప్రజల అవసరాలకు సరిపడా గ్యాస్ సిలిండర్లు అందుబాటులో ఉన్నాయని కలెక్టర్ అభిలాష అభినవ్ స్పష్టం చేశారు. సరఫరాపై ప్రజలు ఎలాంటి ఆందోళన చెందాల్సిన అవసరం లేదన్నారు. బుక్ చేసుకున్న నిర్ణీత గడువులోనే సిలిండర్లు నేరుగా ఇంటికే అందుతాయని, ఏజెన్సీల వద్దకు వెళ్లాల్సిన పని లేదని పేర్కొన్నారు. ఎక్కడా కొరత లేకుండా పకడ్బందీగా పంపిణీ జరుగుతుందని కలెక్టర్ వివరించారు.