News October 6, 2025
సిద్దిపేట: సీపీ అనురాధకు ఘనంగా వీడ్కోలు
సిద్దిపేట పోలీస్ కమిషనర్‌గా పనిచేసిన డాక్టర్ బి.అనురాధ ఇటీవల LB నగర్ DCPగా బదిలీ అయిన విషయం తెలిసిందే. కాగా బదిలీపై వెళ్తున్న అనురాధను ఈరోజు పోలీస్ కమిషనరేట్ కార్యాలయంలో అధికారులు, సిబ్బంది కలిసి ఘనంగా సన్మానించి వీడ్కోలు పలికారు. గౌరవ వందనం చేసి గజమాలతో సన్మానించారు. ఈ సందర్భంగా సీపీ అందరినీ ఆత్మీయంగా పలకరించారు.
Similar News
News October 6, 2025
ఎన్నికల ప్రవర్తన నియమావళి పక్కాగా చేయాలి: కలెక్టర్
ఎన్నికల ప్రవర్తన నియమావళి పక్కాగా అమలు కావాలని జనగామ కలెక్టర్ రిజ్వాన్ బాషా షేక్ అన్నారు. ఎన్నికల ఏర్పాట్లకు సంబంధించి పోలీస్, రెవెన్యూ, ఎంపీడీఓ మొదలగు శాఖలకు చెందిన జిల్లా, మండల స్థాయి అధికారులతో సోమవారం గూగుల్ మీటింగ్ ద్వారా సమీక్షించి వారు మాట్లాడారు. స్థానిక సంస్థల నేపథ్యంలో జిల్లాలో మాడల్ కోడ్ పక్కాగా అమలు అయ్యేలా అధికారులు విధులను నిర్వహించాలని కలెక్టర్ సూచించారు.
News October 6, 2025
వనపర్తి: ‘గ్రంథాలయాలు దేవాలయాలతో సమానం’
గ్రంధాలయాలు దేవాలయాలతో సమానమని వనపర్తి జిల్లా న్యాయ సేవ అధికార సంస్థ కార్యదర్శి వి.రజని అన్నారు. సోమవారం జిల్లా కేంద్రంలోని గ్రంథాలయంలో జిల్లా న్యాయ సేవాధికార సంస్థ ఆధ్వర్యంలో పుస్తక పాఠకులకు చట్టాలపై అవగాహన కల్పించారు. ఆమె మాట్లాడుతూ.. వృద్ధాప్యంలో తల్లిదండ్రులకు కనీస అవసరాలను తీర్చకపోయినా, గృహంలో స్థానం కల్పించకపోయినా తల్లిదండ్రుల, వయోవృద్ధుల పోషణ సంరక్షణ చట్టం-2007 ప్రకారం శిక్షార్హులన్నారు.
News October 6, 2025
CJIపై దాడికి యత్నించిన లాయర్ సస్పెన్షన్
CJI BR గవాయ్‌పై షూ విసిరేందుకు యత్నించిన లాయర్ రాకేశ్ కిశోర్‌ను బార్ కౌన్సిల్ ఆఫ్ ఇండియా సస్పెండ్ చేసింది. దేశవ్యాప్తంగా ఏ కోర్టు, ట్రిబ్యునల్, లేదా లీగల్ అథారిటీలో ప్రాక్టీస్ చేయకుండా వేటు వేసింది. తదుపరి చర్యల కోసం షోకాజ్ నోటీస్ జారీ చేయనుంది. ఆర్డర్ రిసీవ్ చేసుకున్న తర్వాత 15రోజుల్లోగా తనపై ఎందుకు చర్యలు తీసుకోకూడదో లాయర్ వివరణ ఇవ్వాల్సి ఉంటుంది. కాగా CJIపై దాడికి యత్నించడాన్ని CPI ఖండించింది.