News October 7, 2025
HYD: ‘108’లో ఉద్యోగాలకు దరఖాస్తుల ఆహ్వానం
108 అంబులెన్స్‌లో డ్రైవర్ పోస్టులకు దరఖాస్తులు స్వీకరిస్తున్నామని HYD జిల్లా మేనేజర్ నవీన్ సోమవారం ఒక ప్రకటనలో తెలిపారు. డ్రైవర్ ఉద్యోగానికి పదో తరగతి ఉత్తీర్ణులై ఉండాలని, డ్రైవింగ్ లైసెన్స్, బ్యాడ్జ్ నంబర్ కలిగి ఉండాలన్నారు. అర్హత, ఆసక్తి కలిగిన వారు ఈనెల 7న మంగళవారం కింగ్ కోఠీలోని GOVT ఆసుపత్రి 108 ఆఫీస్‌లో దరఖాస్తులు అందజేయాలని కోరారు. వివరాలకు 9100799259, 9676120894 నంబర్లకు కాల్ చేయాలన్నారు.
Similar News
News October 7, 2025
పాపన్నపేట: వ్యాపార విభేదాలతోనే హత్య.. నలుగురి అరెస్టు
పాపన్నపేట మండలం నాగసాన్‌పల్లిలో యువకుడి హత్య కేసులో నలుగురు నిందితులను అరెస్టు చేసినట్లు మెదక్ రూరల్ సీఐ జార్జ్ తెలిపారు. వ్యాపార విభేదాల కారణంగానే ఆదివారం రాత్రి మహబూబ్‌ను హత్య చేశారని పేర్కొన్నారు. ఏడుపాయల బ్రిడ్జి వద్ద మహబూబ్‌పై ఉద్దేశపూర్వకంగా కర్ర విట్టల్, విటల్ భార్య రాజమణి, కొడుకులు యాదగిరి, మహేష్ దాడి చేయడంతో మృతి చెందినట్లు వివరించారు. ఈ కేసులో నలుగురిని అరెస్టు చేసినట్లు సీఐ వివరించారు.
News October 7, 2025
అలా చేస్తేనే రోహిత్, కోహ్లీ టీమ్‌లో ఉంటారు: ABD
2027 ODI WC టీమ్‌లో చోటు దక్కాలంటే రోహిత్, కోహ్లీ పరుగులు చేయాల్సిందేనని SA మాజీ క్రికెటర్ డివిలియర్స్ అన్నారు. ‘WC వరకు రోహిత్, కోహ్లీ జట్టులో ఉంటారన్న గ్యారంటీ లేదు. అందుకే గిల్‌ను కెప్టెన్ చేశారు. ఇది సరైన నిర్ణయమే. వారిద్దరి నుంచి అతడు నేర్చుకునే అవకాశం ఉంటుంది. టీమ్ ఇండియాలో కాంపిటిషన్ ఎక్కువ కాబట్టి రోహిత్, కోహ్లీ రన్స్ చేయక తప్పదు. వారు రాణిస్తారనే నమ్మకం ఉంది’ అని పేర్కొన్నారు.
News October 7, 2025
ఆంజనేయుడికి అప్పాల మాల ఎందుకు?
సూర్యుడిని పండుగా భావించి బాల హనుమ ఆకాశానికి ఎగిరాడు. అప్పుడే రాహువు కూడా రవిని పట్టుకోబోతున్నాడు. ఈ క్రమంలో హనుమంతుడే మొదట భానుడి వద్దకు చేరుకున్నాడు. అప్పుడు అంజని పుత్రుడి శౌర్యాన్ని మెచ్చిన రాహువు తన భక్తులకు ఓ వరమిచ్చాడు. తనకిష్టమైన మినపపప్పుతో చేసిన ప్రసాదాన్ని ఆంజనేయుడి మెడలో మాలగా సమర్పిస్తే.. వారికి రాహు దోషం నుంచి ఉపశమనం లభిస్తుంది. అలా ఈ గారెల మాల సమర్పణ ఆనవాయితీగా మారింది.