News October 7, 2025
డిసెంబర్ లేదా జనవరిలో మున్సిపల్ ఎన్నికలు?
TG: డిసెంబర్ లేదా జనవరిలో మున్సిపల్, కార్పొరేషన్ ఎన్నికల నిర్వహణకు ప్రభుత్వం కసరత్తు చేస్తున్నట్లు తెలుస్తోంది. GHMC పరిధి మున్సిపాలిటీలతో పాటు మరో 10 స్థానాలకు ఇంకా గడువు పూర్తి కాలేదు. అవి మినహా మిగిలిన 123 స్థానాల్లో ఎన్నికలు జరగాల్సి ఉంది. వీటిలో ఇప్పటికే వార్డుల విభజన పూర్తయింది. కొత్త మున్సిపాలిటీలు ఇంద్రేశం, జిన్నారంతో పాటు ఇస్నాపూర్, గజ్వేల్‌‌లో వార్డుల విభజనకు త్వరలో షెడ్యూల్ రానుంది.
Similar News
News October 7, 2025
గూగుల్ మ్యాప్స్‌లో ఆర్టీసీ బస్సుల సమాచారం!
TG: బస్సుల సమాచారాన్ని ప్రయాణికులకు RTC మరింత చేరువ చేయనుంది. దీపావళి నుంచి బస్సుల వివరాలను గూగుల్ మ్యాప్స్‌ ద్వారా విడతలవారీగా ప్రయాణికులకు అందించాలని చూస్తోంది. దీంతో పాటు ‘మీ టికెట్’ యాప్ ద్వారా QR కోడ్ టికెట్లు, QR ఆధారిత డిజిటల్ పాస్‌లు అందుబాటులోకి రానున్నాయి. త్వరలోనే ప్రారంభ తేదీని ప్రకటిస్తామని అధికారులు తెలిపారు. అటు మరో 3 నెలల్లో HYD పరిధిలో 275 EV బస్సులు అందుబాటులోకి రానున్నాయి.
News October 7, 2025
నేడు చంద్రబాబుతో TTDP నేతల భేటీ
తెలంగాణ టీడీపీ నేతలకు అమరావతి నుంచి పిలుపు వచ్చింది. ఈ సాయంత్రం టీటీడీపీ నేతలు పార్టీ అధ్యక్షుడు చంద్రబాబుతో భేటీ కానున్నారు. స్థానిక సంస్థలు, జూబ్లీహిల్స్ ఉపఎన్నికపై చర్చించనున్నారు. అటు జూబ్లీహిల్స్ బరిలో టీడీపీ ఉంటుందా? లేదంటే బీజేపీకి మద్దతు ఇస్తుందా? అనేది ఆసక్తికరంగా మారింది.
News October 7, 2025
ఫిజికల్ రీసెర్చ్ ల్యాబ్‌లో 20 ఉద్యోగాలు
అహ్మదాబాద్‌లోని ఫిజికల్ రీసెర్చ్ ల్యాబొరేటరీ 20 టెక్నికల్ అసిస్టెంట్, టెక్నీషియన్ -బీ పోస్టులకు దరఖాస్తులు కోరుతోంది. ఐటీఐ, డిప్లొమా అర్హతగల అభ్యర్థులు ఈ నెల 31వరకు అప్లై చేసుకోవచ్చు. అభ్యర్థుల వయసు 18 నుంచి 35ఏళ్ల మధ్య ఉండాలి. రిజర్వేషన్ గల అభ్యర్థులకు వయోపరిమితిలో సడలింపు ఉంది. రాత పరీక్ష, స్కిల్ టెస్ట్ ద్వారా ఎంపిక జరుగుతుంది. వెబ్‌సైట్: https://www.prl.res.in/