News October 7, 2025
తెనాలి: చెల్లిని పెళ్లి చేసుకున్నాడన్న కసితోనే హత్య..?
పాత గుంటూరు పోలీస్ స్టేషన్ పరిధిలో జరిగిన దారుణ హత్య కేసులో సంచలన విషయాలు వెలుగులోకి వస్తున్నాయి. తెనాలి మండలం కొలకలూరుకి చెందిన దేవి అనే యువతిని ప్రేమించి పెళ్లి చేసుకున్నాడన్న కసితోనే గణేశ్ను యువతి అన్న దుర్గారావు దారుణంగా హత్య చేసినట్లు తెలుస్తోంది. హత్యకు పాల్పడిన కీర్తి దుర్గారావు పై రౌడిషీట్తో పాటు గతంలో అనేక కేసులు ఉన్నట్లు చెబుతున్నారు. ఈ హత్యోదంతం జిల్లా వ్యాప్తంగా కలకలం సృష్టించింది.
Similar News
News March 22, 2026
NZB: నేడు ప్రపంచ జల దినోత్సవం.. మీరేం చేయాలంటే?
“నీరు లేనిదే జీవం లేదు.. నీటిని పొదుపుగా వాడటం మనందరి బాధ్యత” అనే నినాదంతో నేడు ప్రపంచ జల దినోత్సవం నిర్వహించనున్నారు. కురుస్తున్న వర్షాలు, ప్రభుత్వం చేపట్టిన మిషన్ కాకతీయ వంటి పథకాల వల్ల జిల్లాలో భూగర్భ జలాలు గతంలో కంటే కొంత మెరుగయ్యాయి. అయినప్పటికీ “ప్రతి ఒక్కరూ నీటిని పొదుపుగా వాడడంతో పాటు తమ ఇంటి ఆవరణలో ఇంకుడు గుంతను నిర్మించుకోవడం, బావులను, చెరువులను కాపాడుకోవాల్సిన బాధ్యత మనందరిపై ఉంది’.
News March 22, 2026
ఇరాన్కు ట్రంప్ 48 గంటల డెడ్లైన్
ఎలాంటి కండీషన్స్ లేకుండా హార్ముజ్ జలసంధిని వెంటనే తెరవాలని ఇరాన్కు ట్రంప్ 48 గంటల గడువు విధించారు. లేదంటే ఇరాన్లోని అతిపెద్ద పవర్ ప్లాంట్లపై బాంబుల వర్షం కురిపిస్తామని హెచ్చరించారు. ఈ ప్రాంతంలో ఉద్రిక్తతలు పెరగడంతో పాటు చమురు ధరలు ఆకాశాన్నంటుతున్న తరుణంలో ఈ ప్రకటన వెలువడింది. ఇప్పటికే ఇరాన్ అణుకేంద్రం సమీపంలో మిస్సైల్ దాడులు జరిగిన నేపథ్యంలో ట్రంప్ ఇచ్చిన ఈ ‘అల్టిమేటం’ హాట్ టాపిక్గా మారింది.
News March 22, 2026
నెల్లూరు: కాలువలోకి దూసుకెళ్లిన కారు
ఇందుకూరుపేట(M) డేవిస్పేట యాగర్ల బ్రిడ్జి వద్ద శనివారం ప్రమాదం చోటుచేసుకుంది. మైపాడు నుంచి నెల్లూరుకు వెళ్తున్న కారు అదుపుతప్పి రోడ్డుపక్కన కాలువలోకి దూసుకెళ్లింది. ప్రమాద సమయంలో కారులో ముగ్గురు యువకులు ఉన్నప్పటికీ, వారికి ఎలాంటి గాయాలు కాలేదు. స్థానికులు వెంటనే సహాయక చర్యలు చేపట్టారు. తరుచూ ఈ బ్రిడ్జి వద్ద ప్రమాదాలు జరుగుతూ ఉన్నాయని వారు వాపోయారు.