News October 8, 2025
రాష్ట్రంలో 1,743 పోస్టులు.. నేటి నుంచి దరఖాస్తులు ఆహ్వానం
TGSRTCలో 1,743 డ్రైవర్, శ్రామిక్ పోస్టులకు నేటి నుంచి ఈ నెల 28 వరకు దరఖాస్తులు స్వీకరించనున్నారు. డ్రైవర్ పోస్టులకు టెన్త్‌తో పాటు హెవీ ప్యాసింజర్ మోటారు వెహికల్ లైసెన్స్, శ్రామిక్ పోస్టులకు ITI పాసై ఉండాలి. నేషనల్ అప్రెంటిస్‌షిప్ సర్టిఫికెట్ ఉంటే ప్రాధాన్యం ఉంటుంది. అకడమిక్ మెరిట్ ఆధారంగా ఎంపిక చేస్తారు. తెలంగాణ పోలీస్ నియామక మండలి ఈ పోస్టులను భర్తీ చేయనుంది. వెబ్‌సైట్: https://www.tgprb.in/
Similar News
News October 8, 2025
53 అంగన్‌వాడీ హెల్పర్ ఉద్యోగాలు
AP: విశాఖపట్నం జిల్లాలో 53 అంగన్‌వాడీ హెల్పర్ పోస్టులకు జిల్లా మహిళాభివృద్ధి, శిశు సంక్షేమ &సాధికారత కార్యాలయం దరఖాస్తులు కోరుతోంది. స్థానికంగా స్థిరంగా నివసిస్తూ, 7వ తరగతి పాసైనవారు ఈ నెల 14వరకు అప్లై చేసుకోవచ్చు. అభ్యర్థుల వయసు 21 నుంచి 35 ఏళ్ల లోపు ఉండాలి. భీమునిపట్నం డివిజన్‌లో 11, విశాఖపట్నం డివిజన్‌లో 42 పోస్టులు ఉన్నాయి. సర్టిఫికెట్ల వెరిఫికేషన్, ఇంటర్వ్యూ ఆధారంగా ఎంపిక చేస్తారు.
News October 8, 2025
స్విట్జర్లాండ్ నుంచి వచ్చి.. శివ భక్తురాలిగా మారి..
స్విట్జర్లాండ్‌కు చెందిన సుసి బ్రాస్‌ రెండేళ్ల క్రితం సినిమాల్లో నటించాలని భారత్‌కు వచ్చింది. అయితే ఆమె ఓసారి వైశాలి సోన్‌పుర్‌లో ఉన్న బాబా హరిహర్నాథ్‌ ఆలయాన్ని సందర్శించింది. ఉద్యోగం పోవడంతో తులసిమాల ధరించి పంచాక్షరిని జపం మొదలుపెట్టింది. మాంసాహారాన్ని త్యజించింది. ఆలయానికి సమీపంలోనే అద్దెకుంటూ దైవసేవలో గడుపుతోంది. ఓ ప్రమాదంలో తల్లిదండ్రులను కోల్పోయిన సుసి భక్తి ప్రశాంతతను ఇస్తోందని తెలిపింది.
News October 8, 2025
చాహల్ రిలేషన్.. మరోసారి అలా చేయను: ధనశ్రీ
క్రికెటర్ చాహల్‌తో రిలేషన్‌పై మాజీ భార్య ధనశ్రీ వర్మ మరోసారి కామెంట్ చేశారు. ‘నా పార్ట్నర్ తప్పు చేశాడని తెలిసినా సపోర్ట్ చేశాను. అందుకు తర్వాత పశ్చాత్తాపం చెందా. మళ్లీ అలా చేయాలి అనుకోవట్లేదు’ అని ఆమె స్పష్టం చేశారు. బిగ్‌బాస్ తరహా రియాల్టీ షో ‘రైజ్ అండ్ ఫాల్’లో ఉన్న శ్రీ.. హౌజ్‌మేట్ నిక్కీతో విభేదాలపై మరొకరితో చెబుతూ ఇలా అన్నారు. కాగా ‘2 నెలల్లోనే దొరికిపోయాడు’ అని ఇదే షోలో ఇటీవల కామెంట్ చేశారు.