News October 8, 2025
వాదనలు విన్పించాలని సింఘ్వీకి రేవంత్ విజ్ఞప్తి
TG: స్థానిక ఎన్నికల్లో BC రిజర్వేషన్లను రద్దు చేయాలని దాఖలైన పిటిషన్లపై హైకోర్టులో ఇవాళ్టి విచారణ పట్ల కాంగ్రెస్‌లో ఉత్కంఠ నెలకొంది. కోర్టులో విన్పించాల్సిన వాదనలపై CM <<17942355>>రేవంత్<<>> నిన్న లీగల్ ఎక్స్‌పర్ట్స్, పార్టీ ముఖ్య నేతలతో సమావేశమయ్యారు. వాదనలు విన్పించాలని పార్టీ సీనియర్ నేత, సీనియర్ లాయర్ అభిషేక్ సింఘ్వీని రేవంత్ కోరారు. అటు BC మంత్రులంతా HC దగ్గరే ఉండి పరిణామాలు పరిశీలించాలని CM ఆదేశించారు.
Similar News
News October 8, 2025
రికార్డు స్థాయిలో వరి దిగుబడి సాధిస్తాం: ఉత్తమ్
తెలంగాణలో ఈ ఏడాది రికార్డు స్థాయిలో వరి దిగుబడి వస్తుందని మంత్రి ఉత్తమ్ కుమార్‌రెడ్డి అన్నారు. ఈ ఏడాది రాష్ట్రంలో 67.57 లక్షల ఎకరాల్లో వరి సాగైందని, దీని నుంచి 1.48 కోట్ల టన్నుల ధాన్యం పండుతుందని తెలిపారు. 90.46 లక్షల టన్నుల సన్నాలు, 57.84 లక్షల టన్నుల దొడ్డురకం ధాన్యం పంట చేతికొస్తుందని చెప్పారు. క్వింటాల్ సన్నరకం ధాన్యానికి రూ.500 బోనస్ ఇస్తామని.. ప్రభుత్వం 80 లక్షల టన్నుల ధాన్యం కొంటుందన్నారు.
News October 8, 2025
జుట్టు రాలిపోతోందా? ఇవి మీ డైట్‌లో ఉంటే..!
చాలామందికి యుక్త వయసులోనే జుట్టు రాలిపోతుండటం ఆందోళనకరం. జుట్టు బలంగా ఉండేందుకు ఎన్ని షాంపులు, నూనెలు వాడినా శరీరానికి పోషకాలు అందడం ముఖ్యమని వైద్యులు చెబుతున్నారు. రోజూ గుమ్మడి గింజలు తింటే జుట్టు కుదుళ్లు బలంగా మారుతాయని సూచిస్తున్నారు. వీటిల్లో జింక్, మెగ్నీషియం, కుకుర్బిటాసిన్ అమైనో యాసిడ్స్‌తో పాటు సహజ నూనెలు DHT హార్మోన్‌ను అడ్డుకొని జుట్టు రాలడాన్ని నిరోధించి వృద్ధికి తోడ్పడతాయట.
News October 8, 2025
తొక్కిసలాట ఘటన.. సుప్రీంకు విజయ్ పార్టీ
తమిళనాడులోని కరూర్లో జరిగిన తొక్కిసలాటపై సిట్ దర్యాప్తును సవాల్ చేస్తూ సినీ హీరో విజయ్ పార్టీ <<17926042>>టీవీకే<<>> సుప్రీంకోర్టును ఆశ్రయించింది. SC న్యాయమూర్తి ఆధ్వర్యంలో స్వతంత్ర దర్యాప్తు చేపట్టాలని కోరుతూ పిటిషన్ దాఖలు చేసింది. సీనియర్ అధికారి అస్రా గార్గ్ నేతృత్వంలో ఏర్పాటైన సిట్ తమకు వ్యతిరేకంగా వ్యవహరిస్తోందని పేర్కొంది. గత నెల 27న జరిగిన తొక్కిసలాటలో 41 మంది మరణించిన సంగతి తెలిసిందే.