News October 8, 2025

రైతులకు ఇబ్బందులేకుండా ధాన్యం కొనుగోలు చేయాలి: కలెక్టర్

రైతులు ఎలాంటి ఇబ్బందులు పడకుండా వరి ధాన్యం కొనుగోలు చేయాలని అధికారులను నారాయణపేట కలెక్టర్‌ సిక్తా పట్నాయక్‌ ఆదేశించారు. బుధవారం ఆర్డీఓ సమావేశ మందిరంలో ధాన్యం కొనుగోళ్లపై జరిగిన అవగాహన సదస్సులో ఆమె మాట్లాడారు. అధికారులు సమన్వయంతో పనిచేసి, నిబంధనల ప్రకారం కొనుగోళ్లు చేపట్టాలన్నారు. జిల్లాలో 110 కేంద్రాలు ఏర్పాటు చేస్తున్నామని, 312 మెట్రిక్‌ టన్నుల ధాన్యం వచ్చే అవకాశం ఉందని కలెక్టర్‌ పేర్కొన్నారు.