News October 8, 2025
హెల్ప్ డెస్క్‌లు ఏర్పాటు చేయాలి: ADB కలెక్టర్
నామినేషన్లను నిబంధనలకు అనుగుణంగా సరైన పద్ధతిలో సమర్పించేలా అభ్యర్థులకు సహకారం అందించేందుకు హెల్ప్ డెస్క్ ఏర్పాటు చేసుకోవాలని కలెక్టర్ రాజర్షి షా పేర్కొన్నారు. ఆర్ఓ, ఏఆర్ఓల సందేహాలను నివృత్తి చేసేందుకు వీలుగా జెడ్పీ సీఈఓ కార్యాలయంలో హెల్ప్ డెస్క్ ఏర్పాటు చేయాలన్నారు. నోటిఫికేషన్ జారీ చేయడానికి ముందే మాక్ నామినేషన్ ప్రక్రియను నిర్వహించుకోవాలని, దీనివల్ల తప్పిదాలకు తావులేకుండా జాగ్రత్త పడవచ్చన్నారు.
Similar News
News October 9, 2025
ADB: లోకల్ వార్.. బరిలోకి కామ్రేడ్లు
స్థానిక సంస్థల ఎన్నికలకు అన్ని రాజకీయ పార్టీలు సిద్ధంగా ఉన్నాయి. ఈసారి కామ్రేడ్లు సైతం బరిలో నిలవనున్నారు. 6 జడ్పీటీసీ స్థానాలు, 9 ఎంపీటీసీ స్థానాల్లో సీపీఐ అభ్యర్థులు పొటీ చేసేందుకు నిర్వహించారు. బోథ్, రూరల్, తాంసి, నార్నూర్, భీంపూర్, మావల, భోరజ్ ZPTC, బోథ్-1, బోథ్-2, అందూర్, బండల్ నాగపూర్, కప్పర్ల, తాంసి, భీంపూర్ వడుర్, భోరజ్, పెండల్వాడ, బాలాపూర్ MPTC స్థానాల్లో బరిలోకి దిగనున్నారు.
News October 9, 2025
ADB: లోకల్ వార్.. MEDIAపై FOCUS
స్థానిక సంస్థల ఎన్నికల నిర్వహణలో పారదర్శకత కోసం మీడియాపై పూర్తిస్థాయి నిఘా పెట్టాలని కలెక్టర్లు ఆదేశాలు జారీ చేశారు. ప్రింట్, ఎలక్ట్రానిక్, సోషల్ మీడియాల్లో వచ్చే వార్తలు, ప్రచారాలపై దృష్టి సారించాలి. తప్పుడు వార్తలు, పెయిడ్ న్యూస్, ప్రవర్తనా నియమావళి ఉల్లంఘనలు జరిగితే గుర్తించి, కేసులు నమోదు చేయాలని స్పష్టం చేశారు. ఇందుకోసం మీడియా మానిటరింగ్‌, సర్టిఫికేషన్‌ కమిటీలని ప్రారంభించారు.
News October 9, 2025
ADB: ఈ కార్యాలయాలు మారాయి.. గమనించండి
ఆదిలాబాద్‌ జిల్లా కలెక్టరేట్ భవనం పాక్షికంగా కూలిపోవడంతో పలు కార్యాలయాలు తాత్కాలిక మార్పులు జరిగాయని కలెక్టర్ రాజర్షి షా పేర్కొన్నారు. అదనపు కలెక్టర్ (రెవిన్యూ) పెన్ గంగ భవన్‌కు, కలెక్టరేట్ విభాగాలు AO నుంచి H వరకు పెన్ గంగ భవన్‌కు, తహశీల్దార్ (అర్బన్) జెడ్పీ ఆఫీస్‌కు, డీఎస్ఓ ఆఫీస్ రోడ్లు భవనాల (R&B) శాఖ కార్యాలయానికి తరలించినట్లు పేర్కొన్నారు. ప్రజలు ఈ విషయాన్ని గమనించాలని కోరారు.