News October 8, 2025
పాకిస్థాన్ ఘోర ఓటమి
WWCలో భాగంగా AUSతో జరిగిన మ్యాచ్‌లో పాకిస్థాన్ 107 పరుగుల తేడాతో ఘోర ఓటమిని చవిచూసింది. తొలుత AUS 9 వికెట్లు కోల్పోయి 221 పరుగులు చేసింది. 222 పరుగుల లక్ష్యంతో బరిలోకి దిగిన పాక్ జట్టు ఏ దశలోనూ గెలిచేలా కనిపించలేదు. సిద్రా అమీన్(35) మినహా మరెవరూ చెప్పుకోదగ్గ పరుగులు చేయలేదు. ఆసీస్ బౌలర్లలో గార్త్ 3 వికెట్లతో రాణించారు. WWCలో ఆడిన 3 మ్యాచుల్లోనూ పాక్ ఓడింది. దీంతో పాయింట్ల టేబుల్‌లో చివర నిలిచింది.
Similar News
News October 9, 2025
అందుబాటులోకి తిరుమల క్యాలెండర్లు, డైరీలు
తిరుమల శ్రీవారి భక్తుల కోసం TTD 2026 సంవత్సర క్యాలెండర్లు, డైరీలను అందుబాటులోకి తీసుకొచ్చింది. tirumala.org, ttdevasthanams.ap.gov.inలో వీటిని పొందవచ్చని తెలిపింది. అలాగే తిరుమలలో సేల్స్ కౌంటర్, ధ్యాన మందిరం, శ్రీనివాసం, విష్ణు నివాసం, టీటీడీ పబ్లికేషన్ స్టాల్స్(తిరుచానూరు), విజయవాడ, వైజాగ్, చెన్నై, HYDలోని శ్రీవారి ఆలయాల్లో, ఇతర ప్రాంతాల్లోని TTD కళ్యాణ మండపాల్లోనూ అందుబాటులో ఉంటాయని పేర్కొంది.
News October 9, 2025
రాబోయే 2-3 గంటల్లో వర్షాలు
TG: హైదరాబాద్ సహా పలు జిల్లాల్లో రాబోయే 2-3 గంటల్లో ఉరుములతో కూడిన వర్షాలు పడే అవకాశం ఉందని IMD HYD కేంద్రం వెల్లడించింది. జగిత్యాల, కామారెడ్డి, మెదక్, నాగర్ కర్నూల్, నల్గొండ, నిజామాబాద్, సిరిసిల్ల, రంగారెడ్డి, సిద్దిపేట, యాదాద్రి భువనగిరి జిల్లాలకు ఎల్లో వార్నింగ్ జారీ చేసింది. మీ ప్రాంతంలో వర్షం పడుతోందా? కామెంట్ చేయండి.
News October 9, 2025
అక్టోబర్ 9: చరిత్రలో ఈ రోజు
1945: భారతీయ సరోద్ విద్వాంసుడు అంజద్ అలీఖాన్ జననం
1962: గాయని SP శైలజ జననం
1967: గెరిల్లా నాయకుడు, క్యూబా విప్లవకారుడు చే గువేరా(ఫొటోలో) మరణం
1974: దర్శకుడు వివి వినాయక్ జననం
2013: నటుడు శ్రీహరి మరణం
✦ ప్రపంచ తపాలా దినోత్సవం
✦ ప్రపంచ కంటిచూపు దినోత్సవం