News October 9, 2025
ADB: నేటి నుంచి నామినేషన్ల స్వీకరణ
స్థానిక ఎన్నికలకు నోటిఫికేషన్‌ ఈ నెల 9 నుంచి ఎస్ఈసీ విడుదల చేయనున్న నేపథ్యంలో రెండు దశల్లో ఎంపీటీసీ, జడ్పీటీసీ ఎన్నికలు నిర్వహిస్తామని కలెక్టర్ రాజర్షి షా తెలిపారు. ఈ నెల 9న నుంచి ఎంపీటీసీ, జడ్పీటీసీ తొలివిడత నామినేషన్లు స్వీకరించడం, 23న తొలివిడత పోలింగ్‌, నవంబర్ 11న ఓట్ల లెక్కింపు ఉంటుందన్నారు. మొదటి విడతలో 80 ఎంపీటీసీ, 10 జెడ్పీటీసీ స్థానాలకు ఎన్నికలు ఉంటాయన్నారు.
Similar News
News October 9, 2025
ADB: లోకల్ వార్.. MEDIAపై FOCUS
స్థానిక సంస్థల ఎన్నికల నిర్వహణలో పారదర్శకత కోసం మీడియాపై పూర్తిస్థాయి నిఘా పెట్టాలని కలెక్టర్లు ఆదేశాలు జారీ చేశారు. ప్రింట్, ఎలక్ట్రానిక్, సోషల్ మీడియాల్లో వచ్చే వార్తలు, ప్రచారాలపై దృష్టి సారించాలి. తప్పుడు వార్తలు, పెయిడ్ న్యూస్, ప్రవర్తనా నియమావళి ఉల్లంఘనలు జరిగితే గుర్తించి, కేసులు నమోదు చేయాలని స్పష్టం చేశారు. ఇందుకోసం మీడియా మానిటరింగ్‌, సర్టిఫికేషన్‌ కమిటీలని ప్రారంభించారు.
News October 9, 2025
ADB: ఈ కార్యాలయాలు మారాయి.. గమనించండి
ఆదిలాబాద్‌ జిల్లా కలెక్టరేట్ భవనం పాక్షికంగా కూలిపోవడంతో పలు కార్యాలయాలు తాత్కాలిక మార్పులు జరిగాయని కలెక్టర్ రాజర్షి షా పేర్కొన్నారు. అదనపు కలెక్టర్ (రెవిన్యూ) పెన్ గంగ భవన్‌కు, కలెక్టరేట్ విభాగాలు AO నుంచి H వరకు పెన్ గంగ భవన్‌కు, తహశీల్దార్ (అర్బన్) జెడ్పీ ఆఫీస్‌కు, డీఎస్ఓ ఆఫీస్ రోడ్లు భవనాల (R&B) శాఖ కార్యాలయానికి తరలించినట్లు పేర్కొన్నారు. ప్రజలు ఈ విషయాన్ని గమనించాలని కోరారు.
News October 9, 2025
ADB: స్కాలర్ షిప్ కోసం APPLY చేసుకోండి
2025-26 విద్యా సంవత్సరానికి 9, 10వ తరగతి చదువుతున్న బీసీ విద్యార్థులు ఉపకార వేతనాల కోసం ఈ పాస్ http://telanganaepass.cgg.gov.inలో దరఖాస్తులు చేసుకోవాలని బీసీ అభివృద్ధి శాఖాధికారి రాజలింగు తెలిపారు. గ్రామీణ ప్రాంతానికి చెందిన వారి వార్షిక ఆదాయము రూ.1.50 లక్షలు, పట్టణ ప్రాంతాలకు చెందిన వారికి రూ.2లక్షలు ఉండాలన్నారు.
..SHARE IT