News October 9, 2025

భారీ వర్షాలు.. చెరకులో నీరు నిలిచి ఉందా?

ఇటీవల వర్షాలకు చాలా చోట్ల చెరకు పంట ముంపునకు గురైంది. అయితే చెరకులో నీరు నిల్వ ఉండకుండా, వెంటనే బయటకు పంపాలి. వర్షాలు తగ్గిన వెంటనే ఎకరానికి 50 కిలోల యూరియా, 40 కిలోల పొటాష్ చెరకు మొక్కల మొదళ్ల దగ్గర గుంటలు చేసి వేసి కప్పాలి. ఒకవేళ పొలం నుంచి మురుగు నీటిని తీయని పరిస్థితుల్లో పైపాటుగా లీటర్ నీటికి 2.5గ్రా. యూరియా, 2.5గ్రా. పొటాష్ ఎరువులు కలిపి 10 రోజుల వ్యవధిలో రెండుసార్లు పిచికారీ చేయాలి.