News October 9, 2025
మెదక్: ఎంపీపీ కార్యాలయాల వద్దే నామినేషన్ల స్వీకరణ
మెదక్ జిల్లాలో మొదటి విడతలో జరిగే ఎంపీటీసీ, జడ్పీటీసీ స్థానాలకు నామినేషన్ స్వీకరణ మండల ప్రజా పరిషత్ కార్యాలయాల వద్ద జరగనుంది. రాష్ట్ర ఎన్నికల కమిషన్ ఆదేశాల మేరకు మొదటి విడత ZPTC, MPTC నిర్వహణ నోటిఫికేషన్ జారీకి సిద్ధంగా ఉండాలని కలెక్టర్, జిల్లా ఎన్నికల అధికారి రాహుల్ రాజ్ జిల్లా అధికారులను ఆదేశించారు. మెదక్ డివిజన్‌లో 10 జడ్పీటీసీ, 99 ఎంపీటీసీ స్థానాలకు నామినేషన్లు మొదలవుతాయన్నారు.
Similar News
News October 10, 2025
MDK: స్థానిక ఎన్నికలపై.. చిగురించి ఆవిరైనా ఆశలు
స్థానిక ఎన్నికలపై గ్రామీణ ప్రాంత ప్రజల్లో ఆశలు చిగురించి ఆవిరైపోయాయి. రాష్ట్ర ప్రభుత్వం 42 శాతం రిజర్వేషన్ విషయంలో హైకోర్టులో విచారణ ఉండగా జడ్పీటీసీ, ఎంపీటీసీ స్థానాలకు నామినేషన్ ప్రారంభించారు. గురువారం ఉదయం నామినేషన్లు ప్రారంభించడంతో సాయంత్రం హైకోర్టు స్టే విధించిన విషయం తెలిసిందే. దీంతో గ్రామాల ప్రజల్లో ఆశలు చిగురించి ఆవిరయ్యాయి.
News October 9, 2025
శివంపేట: అట్రాసిటీ కేసుపై డీఎస్పీ విచారణ
శివంపేట మండలం పంబండ గ్రామంలో నమోదైన ఎస్సీ, ఎస్టీ అట్రాసిటీ కేసుపై తూప్రాన్ డీఎస్పీ నరేందర్ గౌడ్ గురువారం విచారణ చేపట్టారు. 30 ఏళ్ల క్రితం కొనుగోలు చేసిన భూమిలో ఇల్లు నిర్మిస్తున్న ఎస్సీ కులానికి చెందిన జానకిని కొందరు వ్యక్తులు కులం పేరుతో దూషించి, గొడ్డలితో దాడికి ప్రయత్నించినట్లు కేసు నమోదైంది. ఈ ఘటనకు సంబంధించిన వివరాలను డీఎస్పీ అడిగి తెలుసుకున్నారు.
News October 9, 2025
MDK: మైనర్ బాలికను వివాహం చేసుకున్న వ్యక్తిపై కేసు నమోదు
13 ఏళ్ల మైనర్ బాలికను వివాహం చేసుకున్న 34 ఏళ్ల వ్యక్తిపై చిలిపి చేడ్ పోలీసులు కేసు నమోదు చేశారు. ఇటీవల మైనర్ బాలిక వివాహం జరిగినట్టు గుర్తించిన ఐసీడీఎస్ జిల్లా అధికారి హేమ భార్గవి మంగళవారం పోలీసులకు ఫిర్యాదు చేశారు. దీంతో మైనర్ బాలికను వివాహం చేసుకున్న వ్యక్తిపై కేసు నమోదు చేసినట్లు పోలీసులు తెలిపారు. బాల్యవివాహాలు చేస్తే చట్ట ప్రకారం చర్యలు తీసుకుంటామన్నారు.