News October 9, 2025
HZB రెవెన్యూ డివిజన్‌లో మొదటి దఫా స్థానిక సంస్థల ఎన్నికలు
హుజూరాబాద్ రెవెన్యూ డివిజన్ పరిధిలోని 6 మండలాల్లో మొదటి దఫా స్థానిక సంస్థల ఎన్నికలు ఉంటాయని కలెక్టర్ పమేలా సత్పతి తెలిపారు. శంకరపట్నం 13, వీణవంక 14, ఇల్లందకుంట 9, జమ్మికుంట 10, HZB 12, సైదాపూర్(V) 12 మొత్తం 70 MPTC స్థానాలకు ఎన్నికలు జరుగుతాయని ఆమె పేర్కొన్నారు. నేటి నుంచి 11వ తేదీ వరకు అభ్యర్థుల నుంచి నామినేషన్లు స్వీకరిస్తారు. 12న పరిశీలన. 15న ఉపసంహరణ. 23న ఎన్నికలు. నవంబర్ 11న కౌంటింగ్ ఉంటుంది.
Similar News
News October 9, 2025
KNR: ఎన్నికల ప్రక్రియను నిబంధనల ప్రకారం చేపట్టాలి: కలెక్టర్
MPTC, ZPTC ఎన్నికలకు నేడు నోటిఫికేషన్ వెలువడుతుండడం, నామినేషన్ల ప్రక్రియ ప్రారంభం కానుండడంతో ఎన్నికల రిటర్నింగ్ అధికారులతో కలెక్టర్ పమేలా సత్పతి బుధవారం VC నిర్వహించారు. నామినేషన్ల దాఖలుకు వీలుగా ఏర్పాట్లు చేయాలని ఆమె అధికారులను ఆదేశించారు. నామినేషన్ల స్వీకరణ, పరిశీలన, అప్పీల్ పరిష్కారం, గుర్తుల కేటాయింపు, పోటీచేసే అభ్యర్థుల ప్రకటన వంటి ఎన్నికల ప్రక్రియను నిబంధనల ప్రకారం పకడ్బందీగా చేపట్టాలన్నారు.
News October 9, 2025
KNR: బతుకమ్మ, దసరా పండుగ ఎఫెక్ట్.. భారీ ఆదాయం
ఆర్టీసీ KNR రీజియన్ పరిధిలో బతుకమ్మ, దసరా పండుగ సందర్భంగా SEP 27 నుంచి OCT 6 వరకు 10 రోజుల వ్యవధిలో మొత్తం రూ.4,76,75,040 ఆదాయం సమకూరిందని ఆర్టీసీ అధికారులు తెలిపారు. KNR-1 డిపో రూ.48,24,260, KNR-2 రూ.76,62,060, GDK రూ.73,78,280, HSNB రూ.28,37,800, HZB రూ.31,21,580, MNTY రూ.34,05,360, JGTL రూ.39,72,920, KRTL రూ.34,05,360, MTPL 39,72,920, SRCL రూ.36,89,140, VMWD రూ.34,05,360 ఆదాయం వచ్చింది.
News October 8, 2025
కరీంనగర్: బోధన”కు ప్రాధాన్యత ఇవ్వాలి: కలెక్టర్
కరీంనగర్ రూరల్ మండలం నగునూర్ జిల్లా పరిషత్ ఉన్నత పాఠశాల, మండల పరిషత్ ప్రాథమిక పాఠశాలను కలెక్టర్ బుధవారం సందర్శించారు. జడ్పీహెచ్ఎస్‌లో బుధవారం బోధనలో భాగంగా 10వ తరగతి విద్యార్థులు నేర్చుకుంటున్న అంశాలను పరిశీలించారు. ఆంగ్ల పాఠం నేర్చుకుంటుండగా ప్రతి విద్యార్థితో ఆంగ్ల పాఠాన్ని చదివించారు. పాఠాలు చదవడంలో మెళకువలు నేర్పారు. అన్ని పాఠశాలల్లోని అన్ని తరగతుల్లో బుధవారం బోధన పకడ్బందీగా అమలు చేయాలన్నారు.