News October 9, 2025
NRML: 9 జడ్పీటీసీ, 75 ఎంపీటీసీలకు నేటి నుంచి నామినేషన్లు
జిల్లాలో జడ్పీటీసీ, ఎంపీటీసీ తొలివిడత ఎన్నికల నామినేషన్ల స్వీకరణ ప్రక్రియ నేటి (గురువారం) నుంచి ప్రారంభం కానుంది. ఈరోజు నుంచి ఎల్లుండి (అక్టోబర్ 11, 2025) వరకు ఉదయం 10.30 నుంచి సాయంత్రం 5 గంటల వరకు నామినేషన్లు స్వీకరిస్తారు. తొలివిడతలో 9 జెడ్పీటీసీ, 75 ఎంపీటీసీ స్థానాలకు ఖానాపూర్, పెంబి, కడెం, దస్తురాబాద్, మామడ, లక్ష్మణచందా, నిర్మల్, సోన్, సారంగాపూర్ మండలాల్లో పోలింగ్ జరగనుంది.
Similar News
News October 9, 2025
వరంగల్: బాణసంచా విక్రయించేవారికి ALERT
వరంగల్ కమిషనరేట్ పరిధిలో దీపావళి సందర్భంగా బాణసంచా విక్రయించేవారు తప్పనిసరిగా టెంపరరీ లైసెన్స్ పొందాలని పోలీసు శాఖ ఉత్తర్వులు జారీ చేసింది. సంబంధిత జోనల్ డిప్యూటీ కమిషనర్ ఆఫ్ పోలీస్ (DCP) కార్యాలయంలో రూ.800 ఫీజు చెల్లించాలన్నారు. దీని కోసం ఫైర్ ఆఫీసర్ NOC, స్థల అనుమతి, షాప్ సైట్ ప్లాన్‌తో పాటు డాక్యుమెంట్లు సరిగా అందించాలన్నారు. ఈ నెల 16 వరకు మాత్రమే దరఖాస్తులు చేసుకోవాలన్నారు.
News October 9, 2025
VZM: ఈనెల 10, 11న ఎలక్ట్రానిక్స్ ఎగ్జిబిషన్-కమ్-సేల్
ఈనెల 10, 11న మహారాజా గవర్నమెంట్ కాలేజ్ ఆఫ్ మ్యూజిక్ అండ్ డాన్స్ ప్రాంగణంలో ఎలక్ట్రానిక్స్ ఎగ్జిబిషన్-కమ్-సేల్ నిర్వహించనున్నట్లు కలెక్టర్ రాంసుందర్ రెడ్డి గురువారం తెలిపారు. వివిధ ఎలక్ట్రానిక్స్ డీలర్లు తమ తాజా గాడ్జెట్లు, గృహోపకరణాలు, స్మార్ట్ హోమ్ సొల్యూషన్స్, హెల్త్ డివైసెస్ ప్రదర్శనకు ఉంచనున్నారన్నారు. తగ్గిన పన్ను రేట్ల ప్రకారం తక్కువ ధరకే ఉత్పత్తులు అందుబాటులో ఉంటాయని వివరించారు.
News October 9, 2025
SKLM: ‘ఫిర్యాదిదారులు సంతృప్తి చెందేలా సమస్యలు పరిష్కరించాలి’
ఫిర్యాదుదారులు రెవెన్యూ సమస్యలపై సంతృప్తి చెందేలా పరిష్కరించాలని కలెక్టర్ స్వప్నిల్ దినకర్ పుండ్కర్ అధికారులను ఆదేశించారు. శ్రీకాకుళం జిల్లా పరిషత్ సమావేశ మందిరంలో గురువారం ఆయనతో పాటు జాయింట్ కలెక్టర్ అహమ్మద్ ఫర్మాన్ ఖాన్ సమావేశం నిర్వహించారు. పీజీఆర్ఎస్, రెవెన్యూ సమస్యలు, మ్యూటేషన్, పౌరసరఫరాలు అంశాలపై పెండింగ్లో ఉన్న దరఖాస్తులు పరిష్కరించాలన్నారు. అధికారులు పాల్గొన్నారు.