News October 9, 2025
NLG: ఇలా చేస్తే.. ఆఫ్రికన్ నత్తలు ఖతం!
ఆఫ్రికా నత్తల నివారణకు కిలో ఉప్పును 4 లీటర్ల నీటిలో కలిపి ఆ నీటిలో గోనె సంచిని తడిపి గట్లపై వేస్తే ఈ సంచులపైకి వెళ్లిన నత్తలు ద్రావణం ఘాటుకు చనిపోతాయని ఉద్యాన పట్టు పరిశ్రమ శాఖ అధికారి సుభాషిని తెలిపారు. ఆకర్షక ఎర ఏర్పాటులో భాగంగా 10 కిలోల వరి తవుడుకు, కిలో బెల్లం, లీటర్ ఆముదం, కిలో ధయోడికార్స్ గుళికలు(ఎసిఫెట్/ క్లోరోఫైరిఫాస్) కలిపి చిన్న ఉండలుగా చేసి బొప్పాయి,క్యాబేజీ ఆకుల కింద పెట్టాలన్నారు.
Similar News
News October 9, 2025
NLG: 13 రోజులకు 50 దరఖాస్తులు
జిల్లాలోని మద్యం దుకాణాలకు బుధవారం వరకు 50 దరఖాస్తులు అందినట్లు జిల్లా ప్రొహిబిషన్ & ఎక్సైజ్ అధికారి సంతోష్ తెలిపారు. ఈ సందర్భంగా ఆయన మాట్లాడుతూ.. జిల్లాలో మొత్తం 154 దుకాణాలు ఉండగా.. ఇప్పటివరకు 50 దరఖాస్తులు అందాయని తెలిపారు. కాగా పెద్ద ఎత్తున దరఖాస్తులు వస్తాయని ఆబ్కారీ శాఖ ఎదురుచూస్తున్నా వ్యాపారులు అనాసక్తి చూపుతున్నట్లు తెలుస్తుంది. ఈనెల 18 వరకు దరఖాస్తులు స్వీకరించనున్నారు.
News October 9, 2025
నల్గొండ: ALLERT.. వాట్సాప్ గ్రూప్‌ల హైజాకింగ్
జిల్లా పరిధిలో వాట్సాప్ గ్రూప్‌ల హైజాకింగ్ జరుగుతున్నట్లు అత్యవసర సమాచారం అందింది. +91 98480 50204 నంబర్‌ను ఉపయోగించి గ్రూప్ అడ్మిన్‌లను తొలగించి, ఆ గ్రూప్‌ను తమ నియంత్రణలోకి తీసుకుంటున్నారు. ఇప్పటికే నల్గొండలో 20కి పైగా గ్రూపులు హ్యాక్ అయినట్లు తెలుస్తోంది. తమ గ్రూప్‌లలో ఎక్కడైనా పై నంబర్ కనిపిస్తే, వెంటనే దాన్ని గ్రూప్ నుంచి తొలగించి, గ్రూప్‌ను సురక్షితంగా ఉంచుకోవాలని పలువురు సూచిస్తున్నారు.
News October 9, 2025
NLG: ఎన్నికలకు నిధుల సమస్య.. ప్రత్యేక గ్రాంట్‌పై సందిగ్ధం
జిల్లాలో స్థానిక సంస్థల ఎన్నికల నిర్వహణకు నిధుల సమస్య ఎదురైంది. ఎన్నికల ఏర్పాట్లు చకాచకా జరుగుతున్నప్పటికీ, ప్రభుత్వం నుంచి ప్రత్యేక గ్రాంటు ఇంకా విడుదల కాలేదని తెలిసింది. హైకోర్టు ఎన్నికలకు సంబంధించి స్పందించినా అధికారుల్లో సందిగ్ధం నెలకొంది. జిల్లాలో ఇప్పటికే ఓటరు జాబితా, పోలింగ్ సామగ్రి రవాణా ఖర్చులకు పెద్ద మొత్తంలో నిధులు ఖర్చయ్యాయని అధికారులు పేర్కొంటున్నారు.