News October 10, 2025
ఆరోగ్య శ్రీ సేవలు నిలిపివేస్తూ ఫ్లెక్సీలు
NTR ఆరోగ్యశ్రీ వైద్య సేవలను నిలిపివేస్తూ నెల్లూరులోని కొన్ని నెట్వర్క్ హాస్పిటల్స్ యాజమాన్యం బోర్డులను ఏర్పాటు చేశారు. ప్రభుత్వం ఆరోగ్యశ్రీ బకాయిలు నిలిపివేయడంతో ఈమేరకు సేవలను నిలిపివేశారు. బకాయిలు విడుదల చేయకపోవడం, మరోవైపు 2010 నుంచి 2025 వరకు ఆసుపత్రిలో ఉపయోగించే పలు రకాల వస్తువులు, ఎంవోయూ ధరలు, విద్యుత్ ఛార్జీలు పెరగడంతో నిర్వహణ భారం అధికమై ఈ నిర్ణయం తీసుకున్నట్లు తెలుస్తోంది.
Similar News
News October 14, 2025
జిల్లా గిరిజన సంక్షేమ అధికారిగా సుజాత బాధ్యతలు
నెల్లూరు జిల్లా గిరిజన సంక్షేమ అధికారినిగా సుజాత బాధ్యతలు చేపట్టారు. గతంలో ఇక్కడ సంబంధిత శాఖ అధికారినిగా విధులు నిర్వహిస్తున్న పరిమళ బదిలీ కావడంతో కొద్ది కాలంగా ఈ పోస్ట్ భర్తీ కాలేదు. అల్లూరు సీతారామరాజు జిల్లా కూనవరంలో అసిస్టెంట్ ట్రైబల్ వెల్ఫేర్ అధికారిగా పని చేస్తున్న సుజాతకు ప్రమోషన్ లభించడంతో అధికారులు ఆమెను నెల్లూరుకు బదిలీ చేశారు.
News October 14, 2025
తగ్గిన డిమాండ్.. పతనమవుతున్న ధరలు
నెల్లూరు జిల్లాలో నిమ్మ ధరలు తగ్గుముఖం పట్టినట్లు వ్యాపారులు తెలిపారు. దేశ రాజధాని ఢిల్లీలో డిమాండ్ తగ్గడమే ఇందుకు కారణం అంటున్నారు. సాధారణంగా దీపావళికి డిమాండ్ ఉంటుందని, ఈ దఫా అవకాశం లేదంటున్నారు. ప్రస్తుతం ధర కిలో రూ.20 నుంచి రూ.30 వరకు పలుకుతుందన్నారు. రానున్న కాలంలో ఈ ధరలు మరింత తగ్గే అవకాశం ఉందని వ్యాపారులు తెలిపారు.
News October 14, 2025
MROపై దౌర్జన్యం.. పోలీసులకు ఫిర్యాదు
లింగసముద్రంలో ఓ పార్టీకి చెందిన నాయకుడు వ్యవహరించిన తీరు స్థానికంగా చర్చనీయాంశమైంది. స్థానికుల సమాచారం ప్రకారం.. సోమవారం తాగిన స్థితిలో ఉన్న ఆయన డ్యూటీలో ఉన్న తహశీల్దార్‌పై ఆయన ఛాంబర్‌లోనే దౌర్జన్యానికి తెగబడి, నానా మాటలు అన్నాడు. సమాచారం అందుకున్న పోలీసులు యువకుడిని అదుపులోకి తీసుకున్నారు. తనపై దౌర్జన్యం చేసిన యువకుడిపై పోలీసులకు ఫిర్యాదు చేసినట్లు తహశీల్దార్ కోటేశ్వరరావు తెలిపారు.