News October 10, 2025
NRPT: ఈనెల 11న ఇండియన్ రెడ్ క్రాస్ సొసైటీ ఎన్నికల ప్రక్రియ
నారాయణపేట జిల్లా శాఖ ఇండియన్ రెడ్ క్రాస్ సొసైటీ పదవీకాలం ముగియడంతో కలెక్టర్ సిక్తా పట్నాయక్ ఆదేశాల మేరకు సహాధికారి శంకరాచార్యను ఎన్నికల అధికారిగా నియమించారు. ఈనెల 11న పట్టణంలోని స్కిల్ డెవలప్మెంట్ సెంటర్‌లో మహాజన సమావేశం జరిగింది. ఈ సమావేశంలో 15 మంది కార్యవర్గ సభ్యులు, ఛైర్మన్, వైస్ ఛైర్మన్, ట్రెజరర్, రాష్ట్ర కార్యవర్గ ప్రతినిధుల ఎన్నికలు రహస్య బ్యాలెట్ విధానంలో జరగనున్నట్లు అధికారి తెలిపారు.
Similar News
News October 11, 2025
KMR: 49 మద్యం దుకాణాలకు 90 అప్లికేషన్లు
కామారెడ్డి జిల్లాలోని వైన్ షాపుల దరఖాస్తుల ప్రక్రియ కోనసాగుతోంది. శుక్రవారం జిల్లా వ్యాప్తంగా 49 మద్యం దుకాణాలకు గాను 90 దరఖాస్తులు అందినట్లు జిల్లా ఎక్సైజ్ సూపరింటెండెంట్ బి. హనుమంతరావు ఓ ప్రకటనలో తెలిపారు. రెండవ శనివారం అయినప్పటికీ, అక్టోబర్ 11న కూడా దరఖాస్తులు యథావిధిగా స్వీకరించబడతాయని ఆయన స్పష్టం చేశారు.
News October 11, 2025
ఇకనైనా మారుతారా? జైలు శిక్షలు తప్పవన్న SP
కామారెడ్డి జిల్లాలో డ్రంక్ అండ్ డ్రైవ్ తనిఖీలు నిరంతరంగా కొనసాగుతాయని జిల్లా SP రాజేష్ చంద్ర హెచ్చరించారు. శుక్రవారం 42 మందికి జైలు శిక్ష, జరిమానాలు విధిస్తూ న్యాయమూర్తులు తీర్పు ఇచ్చారన్నారు. దేవునిపల్లి, కామారెడ్డి, సదాశివనగర్, మాచారెడ్డి పరిధిలోని 8 మందికి ఒక్కొక్కరికీ 1 రోజు జైలు శిక్ష, వెయ్యి చొప్పున ఫైన్ విధించారు. మిగిలిన 34 మందికి కలిపి రూ.34 వేల జరిమానా విధించారని SP వెల్లడించారు.
News October 11, 2025
దుబ్బాక ఆసుపత్రిని సందర్శించిన ASCI బృందం
దుబ్బాక ప్రభుత్వ 100 పడకల ఏరియా ఆసుపత్రిని అడ్మినిస్ట్రేటివ్ స్టాఫ్ కాలేజ్ ఆఫ్ ఇండియా(ASCI) బృందం శుక్రవారం సందర్శించింది. ఆసుపత్రిలోని అన్ని విభాగాలను పరిశీలించిన బృందం జరుగుతున్న వైద్య సేవలపై ఆరా తీసి సంబంధిత రికార్డులను పరిశీలించారు. దుబ్బాక ప్రభుత్వ ఆసుపత్రిలో వైద్య సేవలు, పరిశుభ్రత సంతృప్తికరంగా ఉన్నాయని బృంద సభ్యులు హర్షం వ్యక్తం చేశారు.