News October 11, 2025
అఫ్గాన్ను భారత్ టెర్రర్ బేస్‌గా వాడుతోంది: పాక్
భారత్-అఫ్గాన్ మధ్య ద్వైపాక్షిక సంబంధాలు బలపడుతున్న నేపథ్యంలో పాక్ ఇంటర్ సర్వీసెస్ పబ్లిక్ రిలేషన్స్ DG అహ్మద్ షరీఫ్ ఇండియాపై దారుణమైన ఆరోపణలు చేశారు. ‘పాక్‌లో టెర్రరిస్ట్ ఆపరేషన్స్ కోసం అఫ్గాన్ను భారత్ ఒక ఉగ్రవాద స్థావరంగా వాడుకుంటోంది. అఫ్గాన్‌లో ఇతరులకు చోటివ్వడం కేవలం పాక్‌కే కాదు.. సౌదీ, UAE, చైనా, US, తుర్కియే దేశాలకూ ప్రమాదమే’ అని షరీఫ్ వ్యాఖ్యానించినట్లు ‘ది డాన్’ నివేదికలో పేర్కొంది.
Similar News
News October 11, 2025
మావోయిస్టుల కొత్త దళపతి దేవ్‌జీ కాదా?
మావోయిస్టుల సారథి నంబాల కేశవరావు ఎన్‌కౌంటర్‌లో మరణించాక కొత్త చీఫ్ ఎవరనే దానిపై గందరగోళం నెలకొంది. జగిత్యాల (TG) జిల్లా కోరుట్లకు చెందిన తిప్పిరి తిరుపతి అలియాస్ దేవ్‌జీని నియమించారని ఇటీవల వార్తలొచ్చాయి. కానీ దళానికి సెక్రటరీని ఇంకా నియమించలేదని, పార్టీలో విభేదాలున్నాయని లొంగిపోయిన మావోలు చెప్పడం గమనార్హం. కీలక నేతల లొంగుబాటు, మల్లోజుల లేఖల నేపథ్యంలో పార్టీ దళపతిగా ఎవరొస్తారనేది కీలకంగా మారింది.
News October 11, 2025
సహజ కాన్పుతో సమస్యలు వస్తాయా?
సిజేరియన్‌తో పోలిస్తే సహజ కాన్పు అయితే ఎలాంటి సమస్యలు ఉండవని చాలామంది అనుకుంటారు. కానీ ఇది అపోహ మాత్రమే అంటున్నారు వైద్యులు. నార్మల్ డెలివరీ తర్వాత చాలామంది మహిళలకు యోని పుండ్లు పడటం, ఇన్ఫెక్షన్లు రావడం, గర్భాశయ వ్యాధి, మూత్ర విసర్జన సమస్యలు, మూత్రం ఆపుకోలేకపోవడం వంటి సమస్యలు వస్తాయి. కాబట్టి ఎలాంటి కాన్పు జరిగినా వైద్యుల పర్యవేక్షణలో ఉంటూ జాగ్రత్తలు పాటించాలని సూచిస్తున్నారు. <<-se>>#PregnancyCare<<>>
News October 11, 2025
1289 పోస్టులు.. అప్లైకి ఇంకా నాలుగు రోజులే
స్టాఫ్‌ సెలక్షన్ కమిషన్ ఢిల్లీ పోలీస్ విభాగంలో 1,289 హెడ్‌కానిస్టేబుల్, కానిస్టేబుల్ (డ్రైవర్) పోస్టులకు అప్లై చేయడానికి ఇంకా నాలుగు రోజులే సమయం( OCT15) ఉంది. ఇంటర్ ఉత్తీర్ణతతో పాటు డ్రైవింగ్ లైసెన్స్ గల అభ్యర్థులు అప్లై చేసుకోవచ్చు. రాత పరీక్ష, PE, MT/ట్రేడ్ టెస్ట్ ద్వారా చేస్తారు. మరిన్ని ఉద్యోగ నోటిఫికేషన్ల కోసం <<-se_10012>>జాబ్స్ కేటగిరీ<<>>కి వెళ్లండి.