News October 11, 2025
ఇంద్రకీలాద్రి దుర్గమ్మ చీరలపై.. భారీగా ఆదాయం!
ఇంద్రకీలాద్రి దుర్గమ్మ చీరల టెండర్ ప్రక్రియలో ఆలయానికి ఆదాయం పెరిగింది. గత ప్రభుత్వంలో ప్రైవేటు సంస్థకు రెండేళ్లకు రూ. 5.50 కోట్లకు టెండర్ ఇవ్వగా, బహిరంగ వేలంలో రూ. 8.15 కోట్లకు చేరింది. దీంతో ఏడాదికి రూ. 2.5 కోట్లకు పైగా ఆదాయం పెరిగింది. అక్టోబర్ 1న సీల్డ్ కవర్, బహిరంగ వేలం టెండర్లను పిలిచారు. శుక్రవారం జరిగిన టెండర్లో గుంటూరుకు చెందిన శ్రీపావని కలెక్షన్స్ రూ.8.15 కోట్లకు టెండర్ దక్కింది.
Similar News
News October 11, 2025
కరీంనగర్: DCC రేసులో ఎవరెవరున్నారు?
KNR <<17974062>>DCC అధ్యక్షుడి రేసులో<<>> సుడా ఛైర్మన్ నరేందర్ రెడ్డి, రాజేందర్ రావు, పద్మాకర్ రెడ్డి, శ్రీరామ చక్రవర్తి, వైద్యుల అంజన్ కుమార్‌తో పాటు పలువురు పోటీపడుతున్నారు. సిరిసిల్ల నుంచి సంగీతం శ్రీనివాస్ రావు, చక్రధర్ రెడ్డి, గడ్డం నర్సయ్య ఆశిస్తున్నారు. జగిత్యాల నుంచి సుజిత్ రావు, జువ్వాడి కృష్ణారావు, కరంచంద్ ప్రయత్నిస్తున్నారు. పెద్దపల్లి నుంచి తిరుపతియాదవ్, సదానందం, శశిభూషణ్, సారయ్యగౌడ్ రేసులో ఉన్నారు.
News October 11, 2025
వీఎంఆర్డీఏ కమిషనర్ బదిలీపై చర్చ!
VMRDA 2047 మాస్టర్ ప్లాన్‌‌‌తో విశాఖ నగర విస్తృత అభివృద్ధే లక్ష్యంగా ప్రభుత్వం ముందుకెళ్తుతోంది. ఈ తరుణంలో రెవెన్యూ అంశాలపై మంచి పట్టున్న VMRDA కమిషనర్ విశ్వనాథన్ బదిలీపై చర్చ నడుస్తోంది. అధికార వర్గాల నుంచి వస్తున్న వినతులు, అభ్యంతరాలను కమిషనర్ సీరియస్‌గా తీసుకోకపోవడం, ముక్కుసూటితనంగా ఉండటంతో ఆయనను బదిలీ చేయించారనే ఊహాగానాలు వినిపిస్తున్నాయి. కాగా అమరావతిలో I&PR డైరెక్టర్‌గా ఆయన బదిలీ అయ్యారు.
News October 11, 2025
అడవి పందులను చంపి తినేందుకు అనుమతివ్వాలి: కేరళ మంత్రి
అడవి పందుల బెడదతో పంట పొలాలు నాశనమవుతున్నాయని కేరళ వ్యవసాయశాఖ మంత్రి ప్రసాద్ అన్నారు. వాటిని చంపి తినేందుకు అనుమతిస్తే సమస్య తగ్గే అవకాశం ఉందని అలప్పుజలో జరిగిన ఓ కార్యక్రమంలో అభిప్రాయపడ్డారు. అయితే ప్రస్తుత చట్టం దానిని అనుమతించట్లేదని గుర్తు చేశారు. అడవి పందులు అంతరించిపోతున్న జాతి కాదని పేర్కొన్నారు. వైల్డ్‌లైఫ్ ప్రొటెక్షన్ యాక్ట్-1972 ప్రకారం వన్యప్రాణుల వేట చట్టవిరుద్ధం.