News October 11, 2025
ఉస్మానియాలో డెత్ సర్టిఫికెట్ల జారీలో జాప్యం!
ఉస్మానియా ఆసుపత్రిలో డెత్ సర్టిఫికెట్ల జారీలో జాప్యం జరగడంతో ఇబ్బందులు ఎదురవుతున్నట్లు తెలుస్తోంది. బ్రాట్ డెడ్, అడ్మిట్ డెడ్ కేసులను మెడికల్ రికార్డు అధికారులు వెంటనే రికార్డు చేయకపోవడంతో సర్టిఫికెట్ పొందటానికి ఆలస్యం జరుగుతుందన్న విమర్శలు ఉన్నాయి. ఒక్కోసారి నెలల సమయం పడుతుందని బాధితులు ఆవేదన వ్యక్తం చేస్తున్నారు. కొత్త ఆస్పత్రి కడుతోన్న ప్రభుత్వం ఇటువంటి సమస్యలపై ఫోకస్ చేయాలని కోరుతున్నారు.
Similar News
News October 12, 2025
NLG: మద్యం దుకాణాలకు 163 దరఖాస్తులు
నల్గొండ జిల్లాలో మద్యం దుకాణాలకు శనివారం మరో 67 దరఖాస్తులు అందినట్లు జిల్లా ప్రొహిబిషన్ & ఎక్సైజ్ అధికారి సంతోష్ తెలిపారు. ఆయన మాట్లాడుతూ.. జిల్లాలో మొత్తం 154 మద్యం దుకాణాలు ఉండగా.. నేటి వరకు 163 దరఖాస్తులు అందాయని తెలిపారు. ఈనెల 18 వరకు దరఖాస్తులు స్వీకరిస్తామన్నారు. .
News October 12, 2025
ఏటూరునాగారం: శిథిలావస్థకు చేరిన రేషన్ సేల్స్ భవనం
ఏటూరునాగారం మండలం దొడ్ల కొత్తూరులో ఏర్పాటు చేసిన డీఆర్ సేల్స్ డిపో శిథిలావస్థకు చేరింది. గిరిజన సహకార సంస్థ ఆధ్వర్యంలో ఇంటిగ్రేటెడ్ యాక్షన్ ప్లాన్(ఐఏపీ) నిధులతో గతంలో రేషన్ సరఫరా కోసం భవనాన్ని నిర్మించారు. కాలక్రమేపి భవనం శిథిలావస్థకు చేరడంతో పాటు ప్రధాన ద్వారం షట్టర్ విరిగిపోయింది. దొంగలు, పశువులు భవనంలోకి వెళ్లకుండా నిర్వాహకులు కర్రలను ఏర్పాటు చేశారు. మరమ్మతులు చేయాలని స్థానికులు కోరుతున్నారు.
News October 12, 2025
MDK: హైకోర్టు స్టే.. BCల్లో నిరాశ.!
స్థానిక సంస్థల ఎన్నికల్లో రిజర్వేషన్లపై ప్రభుత్వం జారీ చేసిన జీవోకు హైకోర్టు స్టే విధించడంతో BC వర్గాల్లో నిరాశ నెలకొంది. అదే సమయంలో జనరల్ స్థానాల్లో పోటీ చేసే అభ్యర్థుల్లో కొత్త ఉత్సాహం కనిపిస్తోంది. ఉమ్మడి మెదక్ జిల్లాలో ZPTC స్థానాల్లో రెండు, మూడు మాత్రమే జనరల్‌కు కేటాయించడంతో వారు ఇప్పటివరకు నిరుత్సాహంలో ఉన్నారు. పాత రిజర్వేషన్లు అమలైతే తమకు పోటీ చేసే అవకాశాలు పెరుగుతాయని భావిస్తున్నారు.