News October 12, 2025
NGKL: మద్యం దుకాణాలకు 85 దరఖాస్తులు
నాగర్ కర్నూల్ జిల్లాలో మద్యం దుకాణాలకు శనివారం సాయంత్రం నాటికి మొత్తం 85 దరఖాస్తులు వచ్చినట్లు ఎక్సైజ్ శాఖ అధికారులు ప్రకటించారు. మొత్తం 67 మద్యం దుకాణాలకు గాను నాగర్ కర్నూల్ పరిధి నుంచి 39, తెలకపల్లి పరిధి నుంచి 6, కొల్లాపూర్ పరిధి నుంచి 7, కల్వకుర్తి పరిధి నుంచి 32, అచ్చంపేట పరిధి నుంచి ఒక్క దరఖాస్తు వచ్చినట్లు తెలిపారు. ఈనెల 18 సాయంత్రం 5 గంటల వరకు దరఖాస్తులు స్వీకరిస్తామని పేర్కొన్నారు.
Similar News
News October 12, 2025
HYD: రెండు రోజులు నీటి సరఫరా బంద్
కృష్ణా డ్రింకింగ్ వాటర్ సప్లై ప్రాజెక్టు ఫేజ్-3 పంపింగ్‌కు సంబంధించి భారీ లీకేజీకి మరమ్మతులు చేయనున్న నేపథ్యంలో రేపు, ఎల్లుండి పలు ప్రాంతాల్లో తాగునీటి సరఫరాకు అంతరాయం కలగనుందని జలమండలి అధికారులు తెలిపారు. కొండాపూర్, గచ్చిబౌలి, మాదాపూర్, జూబ్లీహిల్స్, మెహదీపట్నం, వనస్థలిపురం, ఉప్పల్, రాంపల్లి, బోడుప్పల్, సరూర్‌నగర్, బండ్లగూడ, ఉప్పల్, శంషాబాద్, నాగోల్ ప్రజలు గమనించి సహకరించాలని కోరారు.
News October 12, 2025
వరిలో పాముపొడ, ఆకుముడత తెగుళ్లు.. నివారణ
ముందుగా సాగుచేసిన వరిలో పాముపొడ తెగులు కనిపిస్తోంది. దీని నివారణకు ఎకరానికి 400 మి.లీ హెక్సాకొనజోల్ 5 SP లేదా 400 మి.లీ వాలిడామైసిన్ 3 SL లేదా 200 మి.లీ ప్రోపికొనజోల్ 25 శాతం EC వంటి మందులను పిచికారీ చేసుకోవాలి. ఆకుముడత, కాండం తొలుచు పురుగుల నివారణకు ఎకరానికి కార్టాప్ హైడ్రోక్లోరైడ్ 400గ్రా. లేదా క్లోరాంట్రనిలిప్రోల్ 60 మి.లీ 200 లీటర్ల నీటిలో కలిపి పిచికారీ చేయాలి.
News October 12, 2025
MBNR: డీసీసీ అధ్యక్షుల నియామకాలపై కాంగ్రెస్ నజర్..!
ఉమ్మడి MBNR జిల్లాలో డీసీసీ అధ్యక్షుల నియామకాలపై కాంగ్రెస్ నజర్ పెట్టింది. అధిష్ఠానం కసరత్తులో జిల్లా ఇన్‌ఛార్జ్‌ల పర్యటన అనంతరం పార్టీ శ్రేణుల ఏకాభిప్రాయంతో డీసీసీ అధ్యక్షులను నియమించాలని కాంగ్రెస్ సర్కార్ సిద్ధమైంది. ఈనెల 12 నుంచి 16 వరకు అన్ని జిల్లాల్లో ఇన్‌ఛార్జ్‌లు పర్యటించి నిర్ణయం తీసుకుంటున్నట్లు నారాయణపేట జిల్లా ఏఐసీసీ పరిశీలకుడు నారాయణస్వామి తెలిపారు.